«Հիքսոսներ»–ի խմբագրումների տարբերություն

 

Եգիպտերեն « Հիքսոս» անունը, որն սկզբնապես նշանակել է «օտար թագավորներ» («հովիվների կառավարիչներ», նաև «հովիվներ»), հետագայում տրվել է այդ ցեղերի ամբողջ խմբին: Հիքսոսների էթնիկական բուն անունը հայտնի չէ: Դատելով հիքսոսների մոտ նկատվող սեմական և խուռիական անուններից, նրանց էթնիկական կազմը խայտաբղետ էր: Մ. թ. ա. մոտ 1700-ին [[Առաջավոր Ասիա|Առաջավոր Ասիայից]] ներխուժել են [[Եգիպտոս]], հաստատվել Ստորին Եգիպտոսում, հիմնել XV և XVI դինաստիաները և Ավարիս մայրաքաղաքը: [[Հին Եգիպտոս|Հին Եգիպտոսում]] ամենամեծ հզորության հասել են Հիան թագավորի ժամանակ (մ. թ. ա. XVII դ.): Նրանք առաջին անգամ Եգիպտոս ներմուծել են ձի և անվավոր փոխադրամիջոց, պարզեցրել եգիպտական գիրը՝ ստեղծելով զուտ այբբենական գիր: Մ. թ. ա. XVI դ. սկսվել է եգիպտացիների ազատագրական շարժումն ընդդեմ հիքսոսների: Այդ պայքարն ավարտել է փարավոն Ցահմոս I (մ. թ. ա. 1584— 1559), որը գրավել է Ավարիսը: Հիքսոսների մնացորդները նահանջել են [[Պաղեստին]], և նրանց հետագա ճակատագրի վերաբերյալ հիշատակություն չկա: