«Ալեքսանդր Սպենդիարյանի տուն-թանգարան»–ի խմբագրումների տարբերություն

 

== Ցուցադրություն ==

Տուն-թանգարանի հավաքածուն սկզբում կազմում էր 400 միավոր, որը ոչ միայն Մարինա Սպենդիարովայի նվիրատվությունն էր, այլև [[Եղիշե Չարենցի անվան գրականության և արվեստի թանգարան]]ում պահպանվող կոմպոզիտորի արխիվի զգալի մասը: Հետագայում ֆոնդերը համալրվեցին և ներկայումս ֆոնդային հավաքածուն կազմում է 1345 թանգարանային առարկա: Դրանք Սպենդիարյանի անձնական իրերն են, ձեռագիր ու տպագիր նոտաներ, նամակներ, փաստաթղթեր, լուսանկարներ, մամուլ ու գրքեր:

 

 

[[2011]] թվականին պետական աջակցությամբ վերանորոգված տուն-թանգարանը [[2012]] թվականի [[դեկտեմբերի 3]]-ին նոր ցուցադրությամբ իր դռները բացեց արվեստասեր հասարակության առաջ:

==== Թանգարանի տնօրեններ ====

Տուն-թանգարանի հիմնադիր տնօրեն կոմպոզիտոր Վլադիլեն Բալյանի տնօրինության տարիներին ([[1966]]-[[1972]] թթ.) թանգարանը դարձավ մայրաքաղաքի սիրված մշակութային օջախներից մեկը: Հիշարժան են թանգարանի պուրակում կազմակերպվող բացօթյա համերգները, որոնց մասնակցում էին անվանի արվեստագետներ, երաժիշտներ ու գրողներ` [[Առնո Բաբաջանյան]], [[Էդվարդ Միրզոյան]], [[Ալեքսանդր Հարությունյան]], [[Սիլվա Կապուտիկյան]], [[Գևորգ Էմին]], [[Հովհաննես Չեքիջյան]] և այլք: Ինքնատիպ էր Վլադիլեն Բալյանի նախագծած թանգարանի սպենդիարյանական շնչով հագեցած ցուցադրությունը, որը արժանացավ բազմաթիվ այցելուների բարձր գնահատանքին: Նրա ծավալած գործունեությունն ամփոփվեց Սպենդիարյանի ծննդյան 100-ամյա հոբելյանի օրերին, երբ կայացան բազմաբնույթ միջոցառումներ ոչ միայն Հայաստանում, այլև նրա սահմաններից դուրս:

 

[[1996]] թվականից մինչ օրս տուն-թանգարանը ղեկավարում է կոմպոզիտոր [[Մարինե Օթարյան]]ը: Այսօր էլ տուն-թանգարանը ապրում է մշակութային ակտիվ կյանքով, հին ու բարի ավանդույթները ներդաշնակվում են նոր մտահաղացումներով:

 

== Միջոցառումներ ==

Ամեն տարի` կոմպոզիտորի ծննդյան օրը, նրա շիրիմի մոտ անցկացվող հիշատակի միջոցառումները իրենց շուրջն են համախմբում Սպենդիարյանի արվեստի սիրահարներին: Ավանդական դարձած «Պատանի սպենդիարյանականների երդման արարողությունը» կոմպոզիտորի անունը հավերժացնող երկու մշակութային օջախների` տուն-թանգարանի և երաժշտական դպրոցի միջև համագործակցության հրաշալի օրինակ է:

== Հասցե ==

Թանգարանը գտնվում է Երևանի կենտրոնում` Նալբանդյան 21 հասցեում: