[[Պատկեր:Arsenal-Tottenham Carling Cup Second Leg End.OGG|right|thumb|200px|[[Ֆուտբոլ]] ([[Արսենալ ՖԱ|Արսենալ]] - [[Տոտենհեմ Հոտսպուր|Տոտենհեմ]])]]
'''Սպորտ''' (ծագումը`ծագումը՝ միջնադարյան անգլերենի '''''disport''''' ''[խաղ, զվարճանք]'' բառից), մարդկանց կողմից համակարգված և որոշակիացված ֆիզիկական գործունեություն, որն իր մեջ ներառում է նաև [[մրցակցություն|մրցակցության որոշակի աստիճան]]։ Մրցակցային տարբեր սպորտաձևերում որոշակի կերպ են որոշում հաղթողին կամ հաղթողներին։
Գոյություն ունեն սպորտի հարյուրավոր տեսակներ, որոնք իրենց բնույթով կարող են լինել '''թիմային''' կամ '''անհատական'''։ Կան նաև տախտակային (օրինակ`օրինակ՝ [[շախմատ]]) և խաղաքարտային խաղեր, որոնց երբեմն որակավորում են որպես սպորտի տեսակ, բայց այնուամենայնիվ`այնուամենայնիվ՝ մեծամասամբ սպորտը հիմնված է ֆիզիկական աթլետիզմի վրա։
Սպորտաձևերում գործում են կանոններ, որոնք, բնականաբար, տարբեր սպորտաձևերում տարբեր են։ Տարբեր են նաև հաղթելու գրավականները։ Օրինակ`Օրինակ՝ ֆուտբոլում դա հակառակորդից շատ գոլ խփելն է, [[բասկետբոլ]]ում`ում՝ ավելի շատ նետումներ կատարելը և այլն։ Այնինչ կան այնպիսի սպորտաձևեր, ինչպիսիք են [[գեղասահք]]ը, [[ջրացատկ]]ը և [[ձիասպորտ]]ը, որոնց մասնակիցների հաղթանակը կախված է լավ ցուցադրումից, որը պետք է որոշի ժյուրին։ Այսպիսի սպորտաձևերը հակադրվում են [[գեղեցկության մրցույթ]]ներին կամ [[Բոդիբիլդինգ|բոդիբլիդինգային շոուներին]], որոնք հիմնված են միայն արտաքին տեսքի ցուցադրման վրա և որոնց ժամանակ էլ հաղթողները որոշվում են հանդիսության դատավորների կողմից։
Չնայած սպորտաձևերը տարբերվում են միմյանցից, սակայն մարզիկներից բոլորն սպասում են ազնվություն և հարգանք հակառակորդի և մրցավարի նկատմամբ։
