«Ասեղնատերևավորներ (կարգ)»–ի խմբագրումների տարբերություն

'''Ասեղնատերևավորներ''' ({{lang-la|Pinales}}, նախկինում - ''Coniferales''), [[մերկասերմեր]]ի դասի կարգ, որն ունի 10 ընտանիք, 600 տեսակ և 55 ցեղ։ Դրանք հիմնականում ծառեր են, հազվագյուտ դեպքերում՝ թփեր։ Ճյուղերը մեծ մասամբ դասավորված են օղակներով, առաջացնելով կոնաձև սաղարթ։ Տերևները նեղ երկարավուն են կամ նշտարաձև, հաճախ՝ ասեղանման (փշանման)։ Ինչպես բոլոր մերկասերմերի, այնպես էլ ասեղնատերևավորների իսկական անոթները (տրախեաներ) բացակայում են և դրանց քսիլեման կազմված է տրախեիդներից՝ բնորոշ երիզավորված անցքերով։ Ասեղնատերևավորների բունը ունի թույլ զարգացած կեղև և միջուկ։ Ցողունի հիմնական մասը կազմում է կենտրոնական գլանը։ Բազմացման օրգաններն են [[կոն]]երը։<ref>Լ. Վ. Հարությունյան, Ա. Լ. Հարությունյան, ''Հայաստանի դենդրոֆլորան'', «Լույս» հրատարակչություն, Երևան 1985</ref>