«Հայկական իժ»–ի խմբագրումների տարբերություն

Մարմնի երկարությունը տարիքի հետ փոխվում է (18-99 սմ), [[պոչ]]ը 8-18 անգամ կարճ է։ [[Արու]]ները խոշոր են [[էգ]]երից։ Մարմինը հաստ է, [[գլուխ]]ը մարմնից տարանջատված է` ծածկված մանր կատարավոր [[թեփուկ]]ներով։ Վերաչքային վահանիկները հարթ են ու ցցված։ [[Աչք]]երը խոշոր են, [[ծիածանաթաղանթ]]ը` դեղնավուն, [[բիբ]]ը` էլիպսաձև, ուղղահայաց։ Մարմնի թեփուկները կատարավոր են, անփայլ։ Աչքից դեպի հետ և ներքև ձգվում են մուգ զոլեր։ Գլխի հետևի մասում կան զույգ մուգ, դեպի հետ լայնացող, կաթիլանման խալեր։ [[Պարանոց]]ից դեպի պոչի ծայրը ձգվում է բաց վարդագույնից դեղնավուն կամ նարնջագույն մուգ ընդգծված խալերից կազմված շղթայաձև նախշ։ Մուգ մեկական շարք է ձգվում նաև մարմնի կոմնային մակերեսով։ Որովայնային մակերեսը մոխրագույն է` սև ու սպիտակ խալերով, կամ սև է` սպիտակ բծերով։ Ներքևի ծնոտի վահանիկները մոխրագույն են։