«Խոյակ»–ի խմբագրումների տարբերություն

Տարբեր ժողովուրդների փայտի և քարի ճարտարապետության մեջ հնագույն ժամանակներից ստեղծվել են խոյակների բազմազան տարբերակներ։ Անտիկ դարաշրջանում կերպավորվել են դասական խոյակների երեք հիմնական (դորիական, հոնիական, կորնթական) և մեկ ածանցյալ (կոմպոզիտ՝ միահյուսում է հոնիականի և կորնթականի պլաստիկ տարրերը) ձևեր։

 

 

IV—VII դդ. հայկական ճարտարապետական մույթերի և որմնամույթերի խոյակները ընդհանուր ծավալով ուղղանկյուն բարձր քարեր են, որոնք փորեկի միջոցով փոխարկվում են սալի։ Վաղ ժամանակաշրջանի կառույցներում ([[Երերույքի տաճար|Երերույք]], [[Տեկորի տաճար|Տեկոր]], Ծոփք և այլն) քանդակազարդվել են բուսական, կենդանական պատկերներով, արմավիկներով։ X դարում և հետագա դարերում խոյակները հիմնականում կերպավորվում են գլանի և սալի համակցությամբ։ Բազմազան և յուրատիպ են հայկական պալատների, եկեղեցիների, գավիթների խոյակները ([[Դվին]], [[Արուճ]], [[Զվարթնոց]], [[Իշխան (եկեղեցի)|Իշխան]], [[Բանակի տաճար|Բանակ]], [[Հաղպատավանք|Հաղպատ]], [[Սանահինի վանք|Սանահին]], [[Անի]]ի կառույցները)։