Սուրեն Այվազյան (բժիշկ)
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
- Անվան այլ կիրառումների համար տե՛ս՝ Սուրեն Այվազյան (այլ կիրառումներ)
- Վիքիպեդիայում կան հոդվածներ Այվազյան ազգանունով այլ մարդկանց մասին։
Սուրեն Այվազյան (1920, Ջալալօղլի, Բորչալուի գավառ, Վրաստանի Դեմոկրատական Հանրապետություն - 1982), հայազգի բժիշկ։
Սուրեն Ալեքսեյի Այվազյան | |
---|---|
Ծնվել է | 1920 |
Ծննդավայր | ՍտեփանավանՀայդարբեկ |
Մահացել է | 1982 |
Մասնագիտություն | բժիշկ |
Ծնվել է 1920 թ․ Ստեփանավանի շրջանի Հայդարբեկ (Սվերդլով) գյուղում։ 1927-1938 թթ. սովորել է Թբիլիսիի միջնակարգ դպրոցում։ Այնուհետև ուսումը շարունակել է Երևանի բժշկական ինստիտուտում, և 1942 թ. գերազանց առաջադիմությամբ ավարտել է այն։ Նույն թվականին անցել է զինվորական ծառայության և մասնակցել Հյուսիսային Կովկասի ռազմաճակատի տարբեր հատվածներում մղվող մարտերին։
1942-1943 թթ. եղել է 106-րդ առանձին լեռնահրաձգային ալպինիստական ջոկատի և 42-րդ զրահագնացքների դիվիզոնի ավագ բժիշկը։
Պատերազմի ավարտից հետո որպես ավագ բժիշկ ծառայել է սովետական բանակում։
1957-1970 թթ. աշխատանքի է անցել Հունգարիայում՝ սկզբից որպես նևրոպաթոլոգ, ապա՝ բժշկական ստորաբաժնի հրամանատար։
1970 թ. հիվանդության պատճառով զորացրվել է, սակայն մինչև 1982 թ. որպես նևրոպաթոլոգ աշխատել է Երևանի կենտրոնական ուսանողական պոլիկլինիկայում։
Սուրեն Այվազյանը մահացել է Երևանում, 62 տարեկան հասակում։
Սուրեն Այվազյանը պարգևատրվել է մեկ տասնյակ մեդալներով և արժանացել Հայկական ՍՍՀ վաստակավոր բժշկի բարձր ու պատվավոր կոչման։