Սուրբ Աստվածածնի ծննդյան եկեղեցի (Բոլշինկա)
Անվան այլ կիրառումների համար տե՛ս՝ Սուրբ Աստվածածնի ծննդյան եկեղեցի (այլ կիրառումներ)
Սուրբ Աստվածածնի ծննդյան եկեղեցի (ռուս.՝ Церковь Рождества Пресвятой Богородицы), ուղղափառ տաճար Ռուսաստանի Դաշնության Ռոստովի մարզի Տարասովսկի շրջանի Բոլշինկա սլոբոդայում[1]։ Ենթարկվում է Ռուս Ուղղափառ եկեղեցու Շախտիի և Միլլերովոյի թեմի Տարասովսկիի գործակալությանը[2]։
| Սուրբ Աստվածածնի ծննդյան եկեղեցի ռուս.՝ Церковь Рождества Пресвятой Богородицы | |
|---|---|
| Հիմնական տվյալներ | |
| Տեսակ | տաճար |
| Երկիր |  Ռուսաստան |
| Տեղագրություն | Բոլշինկա (Տարասովսկի շրջան) և Տարասովսկի շրջան |
| Դավանանք | ուղղափառություն |
 | |
 | |
 Արտաքին պատկերներ
| |
|---|---|
|
Տաճարը 2012 թվականին |
|
|
Տաճարը զանգակատան հետ |
Պատմություն խմբագրել
Բոլշինսկայա սլոբոդայի առաջին տաճարը եղել է Քրիստոսի ծննդյան փայտե եկեղեցին, որը կառուցվել է 1789 թվականին։ Երբ այն խարխլվել է, 1857 թվականին կառուցվել է նոր` քարե եկեղեցի, որը փակվել է 1930-ական թվականներին։ Հայրենական մեծ պատերազմից հետո այն դարձել է կոլտնտեսական պահեստ, իսկ 21-րդ դարի սկզբում որոշվել է այն վերականգնել։ Տաճարի վերականգնումը շարունակվում է մինչ օրս։
Ժամերգություններ անցկացնելու համար 2006 թվականին Բոլշինկայում, իշխանությունների հատկացրած հին շենքի հիման վրա, կառուցվել և օծվել է Քրիստոսի ծննդյան նոր տաճարը, որը որոշ ժամանակ անց սկսել է կոչվել Սուրբ Աստվածածնի ծննդյան եկեղեցի, քանի որ օծվել է 2006 թվականի սեպտեմբերի 21-ին` Սուրբ Աստվածածնի ծննդյան օրը[3]։
Եկեղեցին կառուցելու բոլոր աշխատանքները` արտաքին և ներքին հարդարումը, այդ թվում` պատկերակալի նկարազրդումը, փոքր զանգակատան կառուցումը և տարածքի բարեկարգումը, իրականացվել են նվիրատվությունների հաշվին։ Մեծ օգնություն է ցուցաբերել «Բոլշինսկոյե» բաժնետիրական ընկերությունը, որը ոչ միայն նվիրաբերել է մեծ գումար, այլև անմիջականորեն մասնակցել է շինարարությանը։ Այսպիսով, նոր տաճարը կառուցվել է հնի դիմաց, որը գտնվում է ավերակների մեջ։
Աստվածածնի ծննդյան տաճարի վանահայրն է երեց Անդրեյ Կորշունովը։