Սուրբ Աստվածածին եկեղեցի (Մորոզովսկ)
Սուրբ Աստվածածին եկեղեցի (ռուս.՝ Церковь Покрова Пресвятой Богородицы), ուղղափառ տաճար Ռուսաստանի Դաշնության Ռոստովի մարզի Մորոզովսկ քաղաքում։ Ենթարկվում է Ռուս Ուղղափառ եկեղեցու Վոլգոդոնսկի և Սալսկի թեմի Բելոկալիտվինսկի մետրոպոլիային[1]։
| Սուրբ Աստվածածին եկեղեցի ռուս.՝ Церковь Покрова Пресвятой Богородицы | |
|---|---|
| Հիմնական տվյալներ | |
| Տեսակ | տաճար |
| Երկիր |  Ռուսաստան |
| Տեղագրություն | Մորոզովսկ և Ռոստովի մարզ |
| Դավանանք | ուղղափառություն |
 | |
 | |
| pokrova-moroz.cerkov.ru | |
Հասցեն՝ 347210, Ռոստովի մարզ, քաղաք Մորոզովսկ, Պաստուխովի փողոց, 80[2]։
Պատմություն խմբագրել
 Արտաքին պատկերներ
| |
|---|---|
|
Եկեղեցին 2009 թվականին |
|
|
Եկեղեցու տեսքը հրապարակից |
Սուրբ Աստվածածին առաջին եկեղեցին Մորոզովսկայա կայարանում կառուցվել է 1902 թվականին հավատացյալների նվիրատվություններով։ Այն օծվել է 1903 թվականի փետրվարի 15-ին։ Անմիջապես 1917 թվականի հոկտեմբերյան հեղափոխությունից հետո տաճարը փակվել է, ապա ամբողջությամբ ոչնչացվել[3]։
1984 թվականի սեպտեմբերի 19-ին Մորոզովսկի կրոնական ընկերությունը գնել է Մորոզովսկի բնակիչ Բորիս Իվանովիչ Լիզենկոյի կիսակառույց տունը՝ որպես տաճար այն վերակառուցելու համար։ Եկեղեցու թույլտվությունը տրվել է Մորոզովսկի քաղգործկոմի 1984 թվականի սեպտեմբերի 20-ի թիվ 211 որոշմամբ[4]։
Տաճարը կահավորելուց հետո նրա տարածքում կառուցվել են հոգևորականության տունը, խոհանոցը և տնտեսական շենքերը։ 1989 թվականի սեպտեմբերի 15-ին Ռոստովի և Նովոչերկասկի մետրոպոլիտ Վլադիմիրը տաճարն օծեց հանուն Սուրբ Աստվածածնի[4]։ Ավելի ուշ եկեղեցուն կից ստեղծվել է կիրակնօրյա դպրոց։
Սուրբ Աստվածածին եկեղեցու սրբություններն են[5].
- սուրբ նահատակ Նիկոլայ Պոպովի սրբապատկերը՝ նրա մասունքների մասնիկներով
- Մատրոնա Մոսկվացու սրբապատկերը՝ նրա մասունքների մասնիկներով
- Սուրբ Աստվածածնի սրբապատկերը
1999 թվականից Սուրբ Աստվածածին եկեղեցու վանահայրն է ավագ երեց, աստվածաբանության թեկնածու Ալեքսանդր Պոչտովին[6]։ Եռանդուն աշխատանքի համար նա պարգևատրվել է Ռուս Ուղղափառ եկեղեցու «1812 թվականի Հայրենական պատերազմում հաղթանակի 200-ամյակի առթիվ» հուշամեդալով[7]։