Սիամ Պարագոն
Սիամ Պարագոն (անգլ.՝ Siam Paragon), առևտրի կենտրոն Բանգկոկ քաղաքում, Թաիլանդ։ Այն Թաիլանդի ամենամեծ առևտրի կենտրոններից մեկն է՝ ԻկոնՍիամ, ՍենթրալՎորլդ և ՍենթրալՊլազա ՎեստԳեյթ առևտրի կենտրոնների հետ միասին[1]։
 | |
|---|---|
 | |
| Տեսակ | առևտրի կենտրոն |
| Երկիր |  Թաիլանդ |
| Տեղագրություն | Փաթում Վան շրջան |
| Սեփականատեր | Թագ անշարժ գույքի բյուրո |
| Սպասարկող | Siam Piwat? |
| Հիմնադրված է | 2005 |
| Բացված | դեկտեմբերի 9, 2005 |
 | |
 | |
| Պաշտոնական կայք | |
Սիամ Պարագոնը ներառում է մի շարք մասնագիտացված խանութներ և ռեստորաններ, ինչպես նաև մուլտիպլեքս (15 խոշոր էկրանանոց կինոթատրոն), «Ծովային կյանք, օվկիանոսային աշխարհ» ակվարիում, ցուցահանդեսային դահլիճ, թայլանդական արվեստի պատկերասրահ և օպերային համերգասրահ։ Այն ներառում է նաև բոուլինգի սրահ և կարաոկե կենտրոն։ Սա Սիամ Պիվատ ընկերության համատեղ ձեռնարկությունն է, որը պատկանում է հարակից Սիամ Սենթըր / Սիամ Դիսքավըր առևտրի կենտրոններին և Առևտրի Կենտրոնների խմբին, որն էլ իր հերթին պատկանում է Էմպորիումին։ Սիամ Պարագոնի ֆինանսական արդյունքները չեն հաղորդվում Սիամ Պարագոնի զարգացման ընկերության կողմից[2]։
Պատմություն
խմբագրել
Սիամ Պարագոնը կառուցվել է Սիամի միջմայրցամաքային հյուրանոցի նախկին տարածքում, որը քանդվել է 2002-ին՝ վարձակալության ժամկետի ավարտից հետո։ 30 տարի ժամկետով վարձակալած հողամասը Քրոնթոն Բյուրոյի հողն է եղել, ինչպես նաև մի ժամանակ Սա Պաթում պալատի թագավորական այգին էր։ Առևտրի կենտրոնը բացվել է 2005 թվականի դեկտեմբերի 9-ին և արժեցել է մոտավորապես 450 միլիոն ԱՄՆ դոլար։ Այն ընդգրկում է 8,3 հա տարածք։
Գտնվելու վայրը
խմբագրելՍիամ Պարագոնը գտնվում է Ռաթա I ավտոճանապարհին՝ Պաթում Վան շրջանում, առևտրի այլ տարածքներին հարող տարածքում։ Այն գտնվում է Սիամի կենտրոնի և Սիամի հայտնագործության կենտրոնի հարևանությամբ․ այն Սիամի հրապարակի դիմաց է։ MBK կենտրոնը ևս գտնվում է մոտակայքում։ Վերգետնյա ճանապարհը BTS Սքայտրեյնի վերգետնյա մետրոյի ռելսերի ներքո Սիամ Պարագոնը կապում է Ռատչապրասոնգ խաչմերուկի հետ, որտեղ գտնվում են ՍենթրալՎորլդը, Գայսորնը և մի քանի այլ առևտրի կենտրոններ ու հյուրանոցներ։
Տրանսպորտ
խմբագրել- BTS Սքայտրեյնի վերգետնյա մետրո և Սիլոմ Լայն - Սիամի կայարանի շնորհիվ կապված են Սիամ Պարագոնի Մ հարկի հետ.
- Ավտոկանգառ - 100,000 քմ, տեղավորվում է 4000 մեքենա։
Հանրախանութ և մանրածախ խանութներ
խմբագրել
Պարագոն հանրախանութը զբաղեցնում է 50,000 քմ․ տարածք։ Եվս 40 000 քմ տարածք է հատկացվել մանրածախ առևտրի խանութներին, որոնք վաճառում են ամենատարբեր ապրանքներ՝ հագուստից մինչև նպարեղեն և թանկարժեք ավտոմեքենաներ[3]։
Թաիլանդի ավանդական արվեստը
խմբագրելՍա Թաիլանդի ավանդական արվեստի խանութների մի բաժին է, որն առաջարկում է մի շարք դեկորատիվ ապրանքներ՝ մետաքս, փղոսկրյա և հնաոճ իրերի լայն տեսականի։
Արքայական Պարագոն սրահ
խմբագրելԱրքայական Պարագոն սրահը 12 000 քառակուսի մետր տարածքով միջոցառումների անցկացման դահլիճ է, 5000 մարդ տարողությամբ, որը հարմար է համերգների, կոնֆերանսների և հատուկ ցուցահանդեսների անցկացման համար[4]։
Հյուրանոց
խմբագրելՍիամ Կեմպինսկի հյուրանոցը և սպասարկվող բնակարանային համալիրը գտնվում են Սիամ Պարագոն համալիրի թիկունքում գտնվող 53,000 քառակուսի մետր տարածքում[5]։
Էներգիայի սպառում
խմբագրել
Սիամ Պարագոնը տարեկան սպառում է մոտավորապես 123 ԳՎտժ էլեկտրաէներգիա (2011)։ Համեմատության համար նշենք, որ նույն ժամանակահատվածում Մեյ Հոն Սոն նահանգի քառորդ միլիոն բնակչությունն օգտագործել է 65 ԳՎտժ[6][7][8][9]։
-
Ֆուդ Կորտ (2006) -
Կորակոտ Արոմդե ընկերության կողմից մշակված նրբաճաշակ այգի առաստաղը -
Մ հարկ -
2-րդ հարկ -
3-րդ հարկ -
4-րդ հարկ -
Կիդզանիան 5-րդ մակարդակում
Ծանոթագրություններ
խմբագրել- ↑ «10 Largest Malls in the World». Touropia. Վերցված է 2019 թ․ ապրիլի 7-ին.
- ↑ Nguyen, Lan Anh (21 July 2006). "Unfinished Central World to hold grand opening", ThaiDay (print edition).
- ↑ «Directory». Siam Paragon. Վերցված է 2017 թ․ օգոստոսի 28-ին.
- ↑ «Why Us». Royal Paragon Hall. Վերցված է 2017 թ․ օգոստոսի 28-ին.
- ↑ «LOCAL INFORMATION». Siam Kempinski Hotel Bangkok. Kempinski. Վերցված է 2018 թ․ օգոստոսի 30-ին.
- ↑ Pasick, Adam (2015 թ․ ապրիլի 5). «Bangkok's lavish, air-conditioned malls consume as much power as entire provinces». Quartz. Վերցված է 2015 թ․ ապրիլի 10-ին.
- ↑ Marks, Danny (2014 թ․ դեկտեմբերի 11). «Laos foots the bill for power-hungry Bangkok». Mekong Commons. Արխիվացված է օրիգինալից 2019 թ․ դեկտեմբերի 22-ին. Վերցված է 2018 թ․ նոյեմբերի 14-ին.
- ↑ Marks, Danny (2014 թ․ դեկտեմբերի 3). «Laos foots the bill for power-hungry Bangkok». Asian Currents. Արխիվացված է օրիգինալից 2018 թ․ դեկտեմբերի 18-ին. Վերցված է 2018 թ․ նոյեմբերի 14-ին.
- ↑ «ห้างสรรพสินค้าในกรุงเทพฯ 3 ห้างใช้ไฟฟ้าเทียบเท่ากับเขื่อน 1 เขื่อน» [Three Bangkok shopping malls use electricity equivalent to one dam]. EnergyThai. 2011 թ․ հունիսի 10. Վերցված է 2018 թ․ նոյեմբերի 14-ին.
