Ռիխտերի փղիկ
| Ռիխտերի փղիկ | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Cyclobaris richteri
|
Ռիխտերի փղիկ (լատին․՝ Cyclobaris richteri), փղիկների կամ երկարակնճիթների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։
Նկարագրություն
խմբագրելԹույլ փայլով, բարակ բաց գույնի մազիկներով և կարմրագորշագույն մարմնով, 5-7 մմ երկարությամբ միջին չափի բզեզ է։ Կնճիթը կարճ է և լայն, իսկ վերնաթևերը՝ լայն ձվաձև[1]։
Տարածվածություն
խմբագրելՀամարվում է Հայաստանի էնդեմիկ միջատ։ Հայտնի է միայն Նուբարաշեն ավանի շրջակայքից (Երևան քաղաքի հարավարևելյան ծայրամաս)[1]։
Էկոլոգիա
խմբագրելԱպրում է կարմիր ավազներով անապատներում, հանդիպում՝ վաղ գարնանը՝ մարտին և ապրիլի սկզբին քարերի տակ[1]։
Կենսաբանական առանձնահատկություններն անհայտ են։
Պահպանություն
խմբագրելՍահմանափակ արեալով հազվագյուտ տեսակ է։ Բնության պահպանության միջազգային միության Կարմիր ցուցակի չափորոշիչներով գնահատվում է որպես կրիտիկական վիճակում գտնվող տեսակ։
Հանդիպում են ծայրահեղ հազվադեպ և հայտնի են եզակի առանձնյակներ։
Սպառնացող վտանգներից են քաղաքակենտրոնացումը և հողերի գյուղատնտեսական յուրացումը։
Պահպանության միջոցառումներ չեն իրականացվում[1]։
Ծանոթագրություններ
խմբագրել- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.