Բացել գլխավոր ցանկը

Ջորջթաունյան տղաներ, Կանադայի կողմից իրականացված մարդասիրական առաջին միջազգային միջոցառումը, որ կազմակերպվել է Կանադայի հայկական նպաստամատույց ընկերակցության (Armenian Relief Association of Canada) ջանքերով[1]։ Հայոց ցեղասպանության տուժածներին ուղղված մարդասիրական օգնության շրջանակներում Կանադա են տեղափոխվում հայ որբեր։ Առաջին 50 տղաները Կանադա են ժամանում 1923 թվականին[2]։ Հաջորդ տարի Կանադա են հասնում ևս 40 որբեր։ 1928 թ. բոլոր 109 տղաները տեղափոխվում են Ջորջթաուն քաղաք և հետագայում այդ քաղաքի անվամբ կոչվում Ջորջթաունյան տղաներ[3]։

Հայ տղաները բնակվում, աշխատում ու կրթություն են ստանում Ջորջթաունի մետ գտնվող մի ագարակում։ Նրանք սովորում են վարել ագարակի գործերը։ այս ընթացքում նրանց մեծապես աջակցում է կանադահայ գործարար Արիս Ալեքսանյանը։ Վերջինիս օգնությամբ տղաները սկսում են Արարատ լրագրի հրատարակությունը։ Լրագիրը գրվում և հրատարակվում էր տղաների ջանքերով և նպաստում էր նրանց անգլերենի զարգացմանը։ Մինչ 1927 թվականը 91 տղաներ տեղավորվում են Օնտարիոյի տարբեր ագարակներում[4]։ 1929 թ. այն ագարակը, որտեղ նախապես տեղավորվել էին տղաները, վերանվանվում է Cedarvale դպրոց աղջիկների համար։ Ներկայումս այն նույնանաուն այգու մաս է կազմում։ 2010 թվականի հունիսի 26-ին այգում տեղադրվել է հուշատախտակ (Ontario Provincial Plaque)՝ ի հիշատակ այդտեղ ապրած հայ տղաների։

ԾանոթագրություններԽմբագրել

  1. Կանադայում Հայաստանի դեսպանատուն
  2. The Globe And Mail, Feb 28, 1923, Editorial, "Shall We Let Them Die"
  3. Apramian, Jack (1976). "The Georgetown Boys". Winona: Georgetown Boy's Association.
  4. Apramian, Jack. "The Georgetown Boys by Jack Apramian Edited and revised with introduction by Lorne Shirinian (2009)"