Պլեխանովսկայա փողոց (Վորոնեժ)

Պլեխանովսկայա փողոց
Երկիր	Ռուսաստան
Գտնվում է	Tsentralny District?
Երկարություն	2,3 ± 0,1 կմ

Պլեխանովսկայա փողոց, փողոց Վորոնեժի կենտրոնում։ Երկարությունը 2,3 կմ է^[1]։

Տեղակայվածություն խմբագրել

Փողոցը սկիզբ է առնում համալսարանի հրապարակից, որտեղ գտնվում է Վորոնեժի պետական համալսարանի հիմնական շենքը, անցնում է Զաստավա հրապարակով և ավարտվում երկաթուղային ճանապարհների ուղեկամրջի մոտ։ Ավտոմոբիլային լայնությունը 4-6 շերտ է։

Փողոցը կարևոր դեր է խաղում քաղաքի երթևեկության համար՝ լինելով քաղաքի գլխավոր մայրուղիներից մեկը։ Նրանով են անցնում ավտոբուսային շատ երթուղիներ, ինչպես նաև՝ տրոլեյբուսի մեկ երթուղի։ Մինչև 2001 թվականը Պլեխանովսկայա փողոցի երկայնքով՝ Կոլցովսկայայից մինչև Զաստավա հրապարակ, անցնում էր տրամվայի 8 երթուղի, ինչպես նաև՝ մինչև 1960-ական թվականների սկիզբը, Կոլցովսկու հրապարակից դեպի Կոլցովսկի փողոց տրամվայի գիծ կար։ Վերջում փողոցը հասնում է Մոսկովյան պրոսպեկտ։ Պլեխանովսկայա փողոցում տեղակայված է քաղաքի երբեմնի խոշորագույն խանութներից մեկը` «Մանկական աշխարհը»։ XXI դարի սկզբին պիկ ժամերին փողոցը խիստ ծանրաբեռնված էր տրանսպորտով:

Պատմություն խմբագրել

Փողոցը կառուցվել է 1774 թվականի կանոնավոր պլանի համաձայն։ Համաձայն այս ակտի` ժամանակակից Պլեխանովսկայան, իսկ այդ ժամանակ` Նովոմոսկովսկայան, Մոսկվա տանող ճանապարհի սկիզբն էր (իրեն զուգահեռ Ստարոմոսկովսկայայի փոխարեն, այժմ ՝ Կարլ Մարքս)։ Ստարոմոսկովսկայան Վորոնեժի շատ վաճառականների բնակավայրն էր, այստեղ էլ գտնվում էին նրանց խանութները։ Փողոցի երկու կողմերում կային շուկայի հրապարակներ։ Կապի ժամանակակից հետազոտական ինստիտուտի տեղում Երրորդության տաճարն է եղել։

Տեսարժան վայրեր խմբագրել

Չնայած այն հանգամանքին, որ փողոցը ամենահներից մեկն է համարվում Վորոնեժում և ակտիվորեն կառուցվել է նախահեղափոխական շրջանում, հին կառույցներ գրեթե չեն պահպանվել։

Թիվ 3՝ գործարանատեր Սավոստյանովի տունը, որը կառուցվել է 1768-1773 թվականների միջև ընկած ժամանակահատվածում։
Թիվ 10՝ «Վոլգա-Կամա» բանկ (1914-1915 թվականներ)։
Թիվ 16՝ Վյախիրև վաճառականների տունը, որը կառուցվել է 1904 թվականին։
Թիվ 29՝ Տարածաշրջանային գավառագիտական թանգարան։
Վորոնեժի օպերայի և բալետի պետական թատրոնի հարևանությամբ Ա. Ս. Պուշկինի հուշարձանը։

Պատկերասրահ խմբագրել

Տեսարան Զաստավայի հրապարակից
Պլեխանովսկայա, մինչև 1917 թվականը
Պլեխանովսկայա փողոցը կենտրոնից (2018 թվական)

Գրականություն խմբագրել

Попов П. А. Воронеж: История города в названиях улиц. — 2-е изд.. — Воронеж: Кварта, 2003. — 448 с.

Ծանոթագրություններ խմբագրել

↑ По данным Google Maps

Արտաքին հղումներ խմբագրել

Улица Плехановская на сайте Старый Воронеж(չաշխատող հղում)

[1] По данным Google Maps

[1]