Ումնումզաան
Ումնումզաան (անգլ.՝ Umnumzaan), ԱՄՆ Այդահո նահանգի Բոյսե քաղաքի Chris Reeve Knives ընկերության ստեղծած ծալովի դանակ։ Նախագծել է Քրիս Ռիվը։ «Ումնումզաան» անվանումը զուլուսերեն նշանակում է «ընտանիքի ավագ» կամ «Ղեկավար» (խոսակցական), ի պատիվ Քրիս Ռիվի ծննդյան վայրի՝ Հարավային Աֆրիկայի[1]։
Ումնումզաանում օգտագործվում է Chris Reeve Integral Lock[2], որը ֆրեյմ լոքի զարգացրած տեսակն է։ Այս կողպեքի սկզբնական տարբերակը մշակել է Ռիվը 1987 թվականին, այն օգտագործվել է Sebenza դանակում։ Այս կողպեքում օգտագործվում է տափակ տիտանե շերտ, որը սեղմում է շեղբը։ Մետաղյա շերտի ծայրին կա կերամիկական գնդակ, որը երկու նպատակ ունի. դա միջադիր է կողպեքի շերտի և բացված շեղբի հակառակ կողմի միջև[1], ինչպես նաև օգնում է կանխել դանակի պատահական բացվելը։
Ումունզմանի դարձման մեխանիզմը իրագործվում է պտուտակի և բութակի միջոցով, իսկ ֆոսֆորացված բրոնզե անցքերով տափօղակները պաշտպանում են շեղբը շարժից։ Անցքերը հարկավոր են շփման մակերեսը փոքրացնելու համար։ Բացի այդ անցքերի արանքում հավաքված յուղը երկարացնում է դանակի ծառայությունը.[1]։
Շեղբի հիմքի ելուստները օգտագործվում են այն բացելու համար, նաև որպես արգելակող բութակ, որը շեղբի բաց դիրքում ֆիքսվելու ժամանակ դեմ է առնում տիտանե դաստապանին։ Յուրաքանչյուր ելուստին հագցված է պնդօղակ, որը ծառայում է հարվածը մեղմելու համար և բացվելիս թուլացնում է աղմուկը։
Առաջին անգամ հարվածամեղմիչի այս ձևը օգտագործվել է Grant and Gavin Hawk դանակներ արտադրող ընկերության դիզայներների կողմից, և այժմ Ումնումզաանում օգտագործվում է նրանց համաձայնությամբ[3]։
Ումնումզաանի բնութագիրը[3]
- Շեղբի նյութը՝ պողպատ CPM S30V
- Մխում՝ 58-59 RC
- Շեղբի մշակումը՝ Stonewash
- Շեղբի երկարություն՝ 93,3 մմ
- Շեղբի հաստություն՝ 93,3 մմ
- Դաստապանի երկարություն՝ 121 մմ
- Դաստապանի նյութ՝ տիտան 6AI4V
- Գարնիտուր՝ չժանգոտող մետաղ 303
Ումնումզաանը 2008 թվականին ներկայացվել է Բլեյդ (անգլ.՝ Blade) ամսագրի ցուցահանդեսում և ստացել է «Մի խոսքով, սա տարվա դանակ է» մրցանակ[4]։
Ծանոթագրություններ խմբագրել
- ↑ 1,0 1,1 1,2 Shackleford, Steve, Blade Magazine, The Blade Magazine 2008 Knives of the Year, October 2008, p. 12
- ↑ «Integral Lock Design Principles on the Sebenza». Արխիվացված է օրիգինալից 2008 թ․ հոկտեմբերի 10-ին. Վերցված է 2016 թ․ հունվարի 9-ին.
- ↑ 3,0 3,1 «Official Umnamzaan Datasheet». Արխիվացված է օրիգինալից 2008 թ․ օգոստոսի 2-ին. Վերցված է 2016 թ․ հունվարի 9-ին.
- ↑ «2008 Blade Show Award Winners». Արխիվացված է օրիգինալից 2008 թ․ հունիսի 10-ին. Վերցված է 2016 թ․ հունվարի 9-ին.