Միջուկային և ռադիացիոն անվտանգության գիտատեխնիկական կենտրոն
Միջուկային և ռադիացիոն անվտանգության գիտատեխնիկական կենտրոնը կամ ՄՌԱԳԿ-ն գիտությամբ և տեխնոլոգիայով զբաղվող մասնավոր ճարտարագիտական ընկերություն է, որի հիմնական նպատակն է ծառայել որպես ՀՀ կառավարությանն առընթեր Միջուկային անվտանգության կարգավորման պետական կոմիտեի տեխնիկական աջակցման կենտրոն։ ՄՌԱԳԿ-ն նաև տեխնիկական աջակցություն է ցուցաբերում Հայկական ԱԷԿ-ին և մի շարք այլ կազմակերպություններին։
Կենտրոնը կատարում է ջերմահիդրավլիկական վերլուծություն, նեյտրոնաֆիզիկական վերլուծություն, ԱԷԿ-ի անվտանգության հավանականային վերլուծություն, ռադիոակտիվ թափոնների և նրանց պահեստավորման հետ կապված հաշվարկներ, ճառագայթային (ռադիացիոն) անվտանգության և պաշտպանության հետ կապված հաշվարկներ և չափումներ, արտակարգ իրավիճակների պլանավորում և ուղեցույցների պատրաստում, ինչպես նաև էլեկտրական տվյալների բազաների և համակարգերի մշակում[1]։
Պատմություն խմբագրել
ՄՌԱԳԿ-ն ստեղծվել է 2001 թվականին որպես Միջուկային անվտանգության կարգավորման պետական կոմիտեի տեխնիկական աջակցման կենտրոն, ունենալով 5 հոգի աշխատակազմ, ովքեր զբաղվում էին ջերմահիդրավլիկական և երկրաշարժային (սեյսմիկ) հաշվարկներով։ 2015 թվականի տվյալներով կենտրոնի աշխատակազմը կազմել է 30 հոգի[1]։
Աղբյուրներ խմբագրել
- ↑ 1,0 1,1 «ՄՌԱԳԿ պաշտոնական կայք». Վերցված է 2015 թ․ փետրվարի 1-ին.
Տես նաև խմբագրել
|
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |