Մեգա

Մեգա-ն (հունարեն՝ μέγας -«շատ» ) (հայերեն նշանակումը՝ Մ, միջազգային նշանակումը՝ M) տասնորդական նախածանց է, որը մեծացնում է ֆիզիկական մեծությունը 10⁶(1 000 000) անգամ։

Օրինակ՝

1 մեգահերց = 1 000 000 հերց

կամ կրճատ գրելաձևով՝

1 ՄՀց = 1 000 000 Հց

Մեգան որպես երկուական նախածանց

Թվային տեխնոլոգիաների հետ կապված բնագավառներում հաճախ մեծությունները պատիկ են լինում եկուսի որևէ աստիճանի, և այդ պատճառով հաճախ այդ բնագավառներում մեգաբայթ ասելով նկատի են ունենում ոչ թե 10⁶ բայթ, այլ՝ 1024*1024 (2²⁰)։ Շփոթություններից խուսափելու նպատակով 1999 թ․ Միջազգային էլեկտրոտեխնիկական կոմիտեն նոր ստանդարտ մտցրեց, որը սահմանում է նոր նախածանց՝ մեբի, որն արդեն մեծացնում է մեծությունը 2²⁰-ով և ոչ թէ միլիոնով։ Չնայած ստանդարտին՝ լայնորեն տարածված է, որ 1 մեգաբայթ=2²⁰ բայթ։

Տես նաև

• Միլիոն
• Տասնորդական նախածանցներ
• Մեբի