Վիքիպեդիա

Մասնակից:Tatevik2004/Ավազարկղ6

< Մասնակից:Tatevik2004

Carmen Avram

Կարմեն Գաբրիելա Ավրամ ([1]), ռումինացի լրագրող, քաղաքական գործիչ, Եվրախորհրդարանի պատգամավոր: Որպես լրագրող` նա աշխատել է ռումինական ProTV և Antena 3 առաջատար հեռարձակողների համար: 2019 թվականի մայիսին ընտրվել է Եվրախորհրդարանի պատգամավոր Սոցիալ-դեմոկրատական կուսակցության (PSD) անունից, Եվրոպական սոցիալիստների կուսակցության (PES) լիիրավ անդամ է: Որպես Եվրախորհրդարանի պատգամավոր՝ Կարմեն Ավրամը Դեմոկրատների սոցիալիստների առաջադիմական դաշինքի (S&D) անդամ է[2]:

ԿենսագրությունԽմբագրել

Վաղ կյանք և կրթությունԽմբագրել

Կարմեն Ավրամը ծնվել է Մարամուրեշ շրջանի Վիշեու դե Սուս փոքրիկ քաղաքում, որը գտնվում է հյուսիսային Տրանսիլվանիայի գեղատեսիլ լեռնային շրջանում: Նրա հայրը ռումիներեն լեզվի պրոֆեսոր է եղել, իսկ մայրն աշխատել է որպես քիմիական լաբորատոր վերլուծաբան Terapia դեղագործական գործարանում[3]: Նա ունի եղբայր և քույր։ Ավրամը հաճախել է տեղի գերմանալեզու դպրոցը, որտեղ ականատես է եղել իր էթնիկ գերմանացի գործընկերների զանգվածային արտագաղթի մղմանը դեպի Գերմանիայի Դաշնային Հանրապետություն, ինչը մեծ ազդեցություն է ունեցել նրա աշխարհայացքի վրա: Դպրոցական տարիքում նա օգնել է իր հայրենի քաղաքի շրջակայքում անտառ տնկել: Տասնամյակներ անց այդ անտառը դարձել է լրագրողական հետաքննության առարկա՝ În Premieră cu Carmen Avram վավերագրական հաղորդաշարում, քանի որ անտառը մաքրված է եղել ապօրինի անտառահատների կողմից, և քաղաքը տուժել է աննախադեպ ջրհեղեղից[4]:

1984 թվականին՝ ավարտելով Յասիի Garabet Ibrăileanu միջնակարգ դպրոցը, հաճախել է Գեորգե Ասաքիի անվան Յասսի տեխնիկական համալսարանի շինարարության և ճարտարագիտության ֆակուլտետը, որն ավարտել է 1989 թվականին: Որպես որակավորված ինժեներ, նա կարճ ժամանակով աշխատել է Călărași Siderurgical Plant-ում մինչև 1989 թվականի դեկտեմբերին կոմունիստական ռեժիմի անկումը: Ռումինական հեղափոխությունից հետո, որը վերականգնել է լիբերալ ժողովրդավարությունը և ազատ շուկան, նա աշխատել է որպես մաթեմատիկայի փոխարինող ուսուցչուհի, իսկ 1992 թվականին տեղափոխվել է Բուխարեստ՝ լրագրությամբ զբաղվելու համար[5]:

2002 թվականին նա ասպիրանտուրա է անցել Քաղաքական հետազոտությունների և պետական կառավարման ազգային համալսարանում՝ մասնագիտանալով միջազգային հարաբերությունների ոլորտում, որն ավարտել է 2004 թվականին[6]։

Լրագրողական գործունեությունԽմբագրել

Կարմեն Ավրամն իր լրագրողական գործունեությունն սկսել է Evenimentul Zilei ամենօրյա լրագրում՝ սկզբում որպես նորությունների խմբագիր, այնուհետև որպես արտասահմանյան թղթակից (1992-1996 թվականներ)[7]։ 1996 թվականից մինչև 2010 թվականը նա աշխատել է ProTV-ում որպես արտաքին հարաբերությունների թղթակից՝ լուսաբանելով Եվրոպայում, Հյուսիսային Աֆրիկայում, Մերձավոր Արևելքում և Միացյալ Նահանգներում տեղի ունեցած խոշոր միջազգային իրադարձությունները[8]: Այնուհետև ProTV-ում դարձել է România, te iubesc հաղորդաշարի խմբագիր և թղթակից։ 2010 թվականին նա միացել է Antena 3 հեռուստաընկերությանը, ստեղծելով, թողարկելով և ներկայացնելով քննադատների կողմից ճանաչված În premieră cu Carmen Avram վավերագրական ծրագիրը։ Ծրագիրը, որը առաջադրվել է Էմմիի և բազմաթիվ ազգային ու միջազգային մրցանակների դափնեկիր, Ավրամին դարձրել է ազգային ճանաչում ունեցող գործիչ։ 2012-2019 թվականներին Antena 3-ում որպես լրագրող աշխատելիս նա նաև դասավանդել է հաշվետվությունների տեխնիկա Intact Media Academy-ում[9]:

Քաղաքական գործունեությունԽմբագրել

2019 թվականի մարտին Ռումինիայի Սոցիալ-դեմոկրատական կուսակցությունը հայտարարել է 2019 թվականի Եվրախորհրդարանի ընտրությունների իր թեկնածուների ցուցակը։ Կարմեն Ավրամը կուսակցության ցուցակում եղել է երկրորդը[10]։ 2019 թվականի մայիսին կայացած ընտրությունների արդյունքներից հետո նա ընտրվել է Եվրոպական խորհրդարանի պատգամավոր և միացել S&D քաղաքական խմբին[11]։

Նա հանդիսանում է հետևյալ խորհրդարանական հանձնաժողովների լիիրավ անդամ`

  • Գյուղատնտեսության և գյուղական զարգացման կոմիտե (AGRI)
  • Տեղափոխման ընթացքում կենդանիների պաշտպանության հետաքննության կոմիտե (ANIT)[12]
  • ԵՄ-Հայաստան խորհրդարանական գործընկերության հանձնաժողով, ԵՄ-Ադրբեջան խորհրդարանական համագործակցության հանձնաժողով և ԵՄ-Վրաստան խորհրդարանական ասոցացման հանձնաժողով (DSCA)
  • Իսրայելի հետ հարաբերությունների պատվիրակություն (DSCA)
  • Եվրանեսթի խորհրդարանական վեհաժողով (DEPA)

Բացի այդ, Ավրամը նաև փոխարինող անդամ է հետևյալ խորհրդարանական հանձնաժողովներում`

  • Տնտեսական և արժութային հարցերի կոմիտե (ECON)
  • Ձկնորսության կոմիտե (PECH)

Նա SEARICA Intergroup-ի (Ծովերի, գետերի, կղզիների և ափամերձ տարածքների միջխումբը Եվրոպական խորհրդարանում), որը պատասխանատու է Դանուբի և Սև ծովի համար[13] և Եվրանեսթի քաղաքական հանձնաժողովի փոխնախագահն է[14]:

Մրցանակներ և շքանշաններԽմբագրել

Ռումինիայի ականավոր լրագրող և պրոդյուսեր աշխատելու 27 տարիների ընթացքում նա ստացել է բազմաթիվ մրցանակներ և շքանշաններ[15]`

  • APTR: “Human Condition Award” – Carmen Avram and Observator for “Împreună dăm viață poveștilor” campaign (2011)
  • Association for International Broadcastings (AIBs): Jury Commendations and nominations every year from 2011 to 2018.
  • Flacăra: Journalism award – “În Premieră cu Carmen Avram” (2011)
  • TV Mania: Jury's special award – Carmen Avram (2011)
  • “Woman of the Year - Excellency in social journalism” Award Ceremony, organized by Avantaje Magazine (2012)
  • New York Festivals – Numerous gold, silver, bronze awards and nominations from 2012 to 2018.
  • APTR Report award for “În Premieră cu Carmen Avram” (2013)
  • Premiile Uniunii Cineaştilor din România (UCIN) – Jury Special Award for “În Premieră cu Carmen Avram” (2013)
  • APTR Excellence Award for “În Premieră cu Carmen Avram” (2014)
  • Emmy International Television Awards for “În Premieră cu Carmen Avram” (Nomination) (2014)
  • Monte Carlo Television Awards for “În Premieră cu Carmen Avram” (Nomination) (2014)
  • Premiile Superscrieri - 1st Prize for two episodes made for “În Premieră cu Carmen Avram” (2017)[16]

Անձնական տվյալներԽմբագրել

Բացի իր մայրենի ռումիներենից, Կարմեն Ավրամը խոսում է գերմաներեն, ֆրանսերեն և անգլերեն: Նա նաև խոսում է իսպաներեն և եբրայերեն սկսնակ մակարդակով[17]:

Ավրամը Ռումինական ուղղափառ եկեղեցու անդամ է։

ԾանոթագրություններԽմբագրել

  1. ↑ «Cine este jurnalista Carmen Avram, cea care candidează pe locul 2 pe lista PSD pentru europarlamentare»։ antena3.ro։ 25 March 2019։ Վերցված է 4 September 2020 
  2. ↑ Her MEP profile
  3. ↑ «(In Romanian) La mulți ani, Carmen Avram! Secretele celei mai iubite jurnaliste»։ antena3.ro։ Վերցված է 7 September 2020 
  4. ↑ «About section on personal website»։ carmenavram.ro։ Վերցված է 31 August 2020 
  5. ↑ Ibid.
  6. ↑ Ibid.
  7. ↑ «(In Romanian) Carmen Avram, realizatoare TV: "Visez să mă retrag într-o căsuţă la ţară"»։ adevarul.ro։ 12 December 2011։ Վերցված է 27 August 2020 
  8. ↑ Bleaja Alina։ «(In Romanian) Carmen Avram - jurnalistul cu spirit de aventura»։ EVA.ro։ Վերցված է 31 August 2020 
  9. ↑ Ibid. [4]
  10. ↑ Bela Ambrus (11 May 2019)։ «(In Romanian) Carmen Avram, de la un regiment media la un batalion politic»։ QMagazine.ro։ Վերցված է 29 August 2020 
  11. ↑ «Carmen AVRAM - MEP»։ europarl.europa.eu։ Վերցված է 31 August 2020 
  12. ↑ «Protection of transported animals: Parliament establishes inquiry committee»։ europarl.europa.eu։ 19 June 2020։ Վերցված է 4 September 2020 
  13. ↑ «The Seas, Rivers, Islands and Coastal Areas Intergroup in the European Parliament – Chair and board»։ searica.eu։ Վերցված է 29 August 2020 
  14. ↑ «Political Committee of EURONEST»։ europarl.europa.eu։ Վերցված է 31 August 2020 
  15. ↑ «Intact Media Group – Awards»։ intactmediagroup.ro։ Վերցված է 31 August 2020 
  16. ↑ «(In Romanian) Winners of the "Superscrieri" AWARDS #7 – Friends For Friends Foundation»։ ffff.ro։ 21 November 2017։ Վերցված է 31 August 2020 
  17. ↑ Ibid. [4]
Ստացված է «https://hy.wikipedia.org/w/index.php?title=Մասնակից:Tatevik2004/Ավազարկղ6&oldid=8147032» էջից