Մասնակից:Sargsyan Ani/Ավազարկղ2
Ճիչը(հոլ.՝ De Schreeuw), հուշաքանդակ է Ամստերդամի Oosterpark-ում, որը նվիրված է հոլանդացի կինոռեժիսոր, պրոդյուսեր և լրագրող Թեո վան Գոգի հիշատակին, ով սպանվել է 2004 թվականի նոյեմբերի 2-ին արմատական իսլամիստ՝ Մուհամեդ Բույերի կողմից։
Քանդակագործ Ջերուն Հեննեմանի հուշարձանը ընտրվել է մրցույթին ներկայացված 150 աշխատանքներից, որոնց ժյուրիի կազմում էին Վան Գոգի ծնողները։ Այն տեղադրվել է Oosterpark-ի եզրին՝ Հոլանդիայի մայրաքաղաքի արևելյան մասում գտնվող Լիննաստրուատի վրա ՝ հանցագործության վայրից ոչ հեռու։ 4,6 մետր բարձրությամբ հուշարձանի վրա պատկերված են գետնից դուրս ցցված վեց պողպատե շերտեր, որոնք թեքված են Թեո վան Գոգի դեմքի պրոֆիլը հիշեցնող ձևով: Մի կողմից նրա դեմքը պատկերված է բաց բերանով `ճիչով, մյուս կողմից՝ փակ բերանով։ Հուշարձանի բացումը վեց ամսով հետաձգվել է՝ դրա տեղադրման համար անհրաժեշտ ձևականությունների կարգավորման պատճառով։
Հանդիսավոր բացումը տեղի ունեցավ 2007 թվականի մարտի 18-ին վան Գոգի հոր, երկու քույրերի և ընկերների, ինչպես նաև պաշտոնյաների ներկայությամբ՝ Ամստերդամի բուրգոմիստ Ջոբ Կոենի գլխավորությամբ։ Քաղաքային վարչակազմի ներկայացուցիչ Մարտին Վերբեթի խոսքով՝ «Ճիչ»-ը պետք է դառնար խոսքի ազատության խորհրդանիշ։ Արարողության ընթացքում բազմիցս ընդգծվել է խոսքի ազատության թեման, քանի որ Թեո վան Գոգի մահվան պատճառը եղել է նրա կոշտ քննադատությունը արմատական իսլամի նկատմամբ՝ իր աշխատանքում։ Միջոցառմանը ներկա մահացած կինոգործչի ընկերներից մեկը՝ դերասան Հանս Թեուվենը, կատարել է երգ՝ նվիրված նաև խոսքի ազատությանը։
2007 թվականի սեպտեմբերի 15-ին հուշարձանը դարձավ վանդալիզմի զոհ. սև մարկերի վրա գրված էր «Ալ-Կաիդա» և «27.11.2007» ամսաթիվը։ Իրավախախտները չեն հայտնաբերվել։
Աղբյուրներ
խմբագրել- Monument voor Theo van Gogh onthuld 18-03-2007 NRC Handelsblad(նիդեր.)
- Monument Theo van Gogh onthuld (video) 18-03-2007 NU.nl[en] (նիդեր.)