Մասնակից:LilitMir/Ավազարկղ3

LilitMir/Ավազարկղ3

«Դրակուլա» (անգլ.՝ Dracula, 1931), ամերիկյան սարսափ ֆիլմ, ռեժիսոր` Ջորջ Մելֆորդ։ Ֆիլմը հիմնված է Բրեմ Սթոքերի «Դրակուլա» վեպի և Համիլթոն Դինի ու Ջոն Լ. Բալդերսթոնի համանուն պիեսի վրա: Ֆիլմը Ռենֆիլդի (Պաբլո Ալվարես Ռուբիո) մասին է, ով մեկնել է Տրանսիլվանիա՝ կոմս Դրակուլային այցելելու։ Կոմսը նրան հնազանդեցնում է իր կամքին և դարձնում իր կամակատարը։ Նրանք մեկնում են Անգլիա, որտեղ Դրակուլան սկսում է գայթակղել Լյուսի Վեստենրային (Կարմեն Գերերո), որը դառնում է նրա առաջին զոհը։ Սա հանգեցնում է պրոֆեսոր Վան Հելսինգի (Էդուարդո Արոզամենա) հետաքննությանը, որը հաստատում է, որ կոմս Դրակուլան վամպիր է։

Ֆիլմը նկարահանվել է հոլիվուդյան ստուդիաների՝ արտասահմանյան հանդիսատեսի համար ֆիլմեր նկարահանելու փորձերի շրջանակներում։ 1930 թվականին Universal ընկերությունը հիմնականում կենտրոնացել էր արտասահմանյան շուկայի համար իսպանալեզու ֆիլմերի մշակման վրա։ Ֆիլմի նկարահանումներն սկսվել են 1930 թվականի հոկտեմբերի 10-ին նույն դեկորացիաներով, որոնցով նկարահանվել է Թոդ Բրաունինգի «Դրակուլան»։ Ռեժիսոր Միլֆորդը դիտել է օրվա ընթացքում նկարահանված նյութը և փորձել այն նույնությամբ կրկնել իր ֆիլմում։

Ֆիլմը թողարկվել Է Կուբայում 1931 թվականին և երկար ժամանակ մոռացության է մատնվել՝ 1960-70-ականների սարսափ ֆիլմերի որոշ պատմաբանների կողմից միայն պատահական հիշատակմամբ: Ֆիլմն ավելի մեծ ուշադրության է արժանացել 1978 թվականին Ժամանակակից արվեստի թանգարանում ցուցադրվելուց հետո, որի արդյունքում 1992 թվականին թողարկվել է VHS տարբերակով: Քննադատները հաճախ համեմատում են «Դրակուլայի» երկու տարբերակները՝ համեմատելով երկու ֆիլմերի դրական և բացասական կողմերը, ինչպես նաև մեծ ուշադրություն դարձնելով Կառլոս Վիլյարիասի խաղին:

Սյուժե

Լուպիտա Տովարը և Կառլոս Վիլարիասը ֆիլմի տեսարաններից մեկում

Փաստաբան Ռենֆիլդը կառքով գնում է Տրանսիլվանիա: Տեղացիներին նա պատմում է, որ պատրաստվում է Դրակուլայի ամրոց գնալ: Նրա խոսքերը մարդկանց մեջ անհանգստություն և մտահոգություն են առաջացնում: Նրանք ասում են նրան, որ կոմս Դրակուլան վամպիր է, և երբ փաստաբանը չի հավատում նրանց, քաղաքի բնակիչներից մեկը պահանջում է, որ նա խաչ կրի: Երբ փաստաբանը ժամանում է ամրոց, Կոմսը ողջունում է նրան։ Մի բաժակ գինի խմելուց հետո Ռենֆիլդը ուշագնաց է լինում, բայց չնայած նրան, որ խաչ է կրում, վամպիրները նրան կծում են: Այնուհետև Անգլիա վերադարձող նավի վրա, արդեն ստրկացած Ռենֆիլդը մոլագար ծիծաղով հետևում է, թե ինչպես է Դրակուլան մեկը մյուսի հետևից սպանում անձնակազմի անդամներին: Երբ նավը հասնում է Անգլիա, պարզվում է, որ նա միակ փրկվածն է:

Դրակուլան օպերայում հանդիպում է բժիշկ Սյուարդին և նրա ընտանիքին: Լյուսին ամբողջովին հիանում է կոմսով և նույն գիշեր դառնում նրա զոհը: Երբ կանչում են պրոֆեսոր Վան Հելսինգին, նա անմիջապես հասկանում է, որ աղջկան մեծ վտանգ է սպառնում: Նա նաև հասկանում է, որ բժիշկ Սյուարդի հիվանդը՝ Ռենֆիլդը, ինչ-որ կերպ կապված է իրադարձությունների հետ: Բայց բժշկի նոր հարևանի՝ Դրակուլայի հետ ծանոթանալուց անմիջապես հետո պրոֆեսորը կռահում է, թե ով է վամպիրը՝ հիմնվելով այն փաստի վրա, որ Դրակուլան չի արտացոլվում հայելու մեջ: Սյուարդի սիրելին՝ Եվան, անմիջապես ընկնում է վամպիրի կախարդանքի տակ։ Ի զարմանս իրեն՝ նա իրեն ավելի ու ավելի թույլ է զգում և ավելի ու ավելի վայրի. մի պահ նա հարձակվում է իր փեսացուի՝ Ջոնի վրա: Սյուարդի և Հարքերի օգնությամբ Վան Հելսինգը փորձում է Դրակուլային թակարդի մեջ գցել, բայց նա խորամանկում է և փախչում Եվայի հետ՝ իշխելով բուժքրոջ բանականության վրա: Նրանք հետևում են Ռենֆիլդին մինչև Կարֆաքսի աբբայություն. գործողությունն ավարտվում է նրանով, որ Դրակուլան սպանում է իր ստրուկին՝ խեղդամահ անելով նրան, իսկ հետո նրա մարմինը գցում բարձր աստիճաններից: Կարֆաքսի տակ գտնվող կատակոմբների խորքում նրանք գտնում են Դրակուլային, որը քնած էր դագաղի մեջ, իսկ Եվային՝ ողջ: Վան Հելսինգը ցից է խրում վամպիրի սրտի մեջ, և երբ Եվան և Հարքերը հեռանում են, Վան Հելսինգը աղոթում է Ռենֆիլդի մարմնի վրա: Չնայած Կառլ Լեմլ կրտսերը նշված էր որպես պրոդյուսեր, ֆիլմի անմիջական ղեկավարը եղել է 27-ամյա Փոլ Կոհներն էր:

Թիմ

Դերերում

• Կառլոս Վիլյարիաս` Դրակուլա
• Լուպիտա Տովար` Եվա
• Բերրի Նորթոն` Ջոն Հարքեր
• Պաբլո Ալվարես Ռուբիո` Ռենֆիլդ
• Էդուարդո Արոսամենա` Վան Հելսինգ
• Խոսե Սորիանո Վիոսկա` բժիշկ Սյուարդ
• Կարմեն Գերերո` Լյուսիա
• Ամելիա Սենիստերա` Մարթա
• Մանուել Արբո` Մարտին
• Ջերալդին Դվորակ` Դրակուլայի հարսնացուն (տիտրերում նշված չէ)
• Ջոն Ջորջ` գիտնական (տիտրերում նշված չէ)
• Կորնելիա Տոու-Դրակուլայի հարսնացուն (տիտրերում նշված չէ)
• Դորոթի Թրի` Դրակուլայի հարսնացուն (տիտրերում նշված չէ)

Նկարահանող խումբ

• Ռեժիսոր` Ջորջ Մելֆորդ
• Պրոդյուսեր` Կառլ Լեմլ կրտսեր
• Ասոցացված պրոդյուսեր` Փոլ Կոհներ
• Բնօրինակ վեպ` Բրեմ Սթոքեր
• Պիես` Ջոն Լ. Բոլդերսթոն, Հեմիլթոն Դին, Գարեթ Ֆորտ
• Պիեսի հարմարեցումը իսպաներենով` Բալթասար Ֆերնանդես Կուե
• Լրացուցիչ երկխոսությունների հեղինակ՝ Դադլի Մերֆի
• Օպերատոր` Ջորջ Ռոբինսոն
• Բեմադրող նկարիչ` Չարլզ Դ. Հոլլ
• Մոնտաժող՝ Արթուր Տավարե

Արտադրություն

Լուպիտա Տովար

1920-ականների վերջին հոլիվուդյան ստուդիաները կախված էին իրենց ֆիլմերի` այլ երկրներ հաջող արտահանումից: Եթե համր ֆիլմերը հեշտությամբ կարող էին վաճառվել այլ երկրներին, ապա ձայնային ֆիլմերը՝ ոչ: Մինչև 1928 թվականը օտարալեզու շուկայի նկատմամբ նախընտրելի մոտեցումը ֆիլմի մեկից ավելի տարբերակի մշակումն էր՝ օգտագործելով նույն սցենարը, անգլալեզու բնօրինակի դեկորացիաները և զգեստները, բայց ներգրավելով տարբեր դերասանների, որոնք խոսում են տարբեր լեզուներով, օրինակ՝ ֆրանսերեն, իսպաներեն կամ գերմաներեն: Hollywood Filmograph-ի ապրիլի 30-ի համարում նշվում էր, որ իսպանալեզու ֆիլմերը «ընթացքի մեջ են, և պրոդյուսերները միլիոնավոր դոլարներ են ծախսում դրանց վրա»: 1930 թվականի փետրվարին Universal-ը հայտարարեց, որ Փոլ Կոները կվերահսկի բազմաթիվ օտարալեզու արտադրություններ, այդ թվում՝ մի քանիսը, որոնք նկարահանվել են իսպաներենով։ 1930 թվականի սեպտեմբերին Universal-ը հիմնականում կենտրոնացած էր պոտենցիալ շուկայի համար ֆիլմերի իսպանալեզու տարբերակների ստեղծման վրա:

«Դրակուլա» ֆիլմի իսպանալեզու տարբերակի մասին հայտարարությունն արվել է 1930 թվականի հոկտեմբերի 1-ին, որում ասվում էր, որ ֆիլմի ռեժիսորը կլինի Ջորջ Մելֆորդը, իսկ գլխավոր դերերը կկատարեն Լուպիտա Տովարը և Կառլոս Վիլյարիասը։ Բացի այն, որ Մերֆորդը զբաղվել է ռեժիսուրայով, նա նաև հաճախ հանդես է եկել որպես դերասան, իսկ մինչ այդ նրա ռեժիսորական աշխատանքներից կարելի է նշել «Շեյխ» ֆիլմը (1921 թվական), որի գլխավոր դերում Ռուդոլֆո Վալենտինոն է: Paramount-ի հետ մի քանի տարի աշխատելուց հետո նա սկսել է համագործակցել Universal ստուդիայի հետ՝ նկարահանելով ֆիլմերի իսպանալեզու տարբերակներ: Դրանց թվում է «Կատուն սողում է» (1930 թվական) ֆիլմի իսպանալեզու տարբերակը:

Գրականություն

• Joslin L. W. Count Dracula Goes to the Movies: Stoker's Novel Adapted. — 3d ed. edition. — McFarland & Company, 2017. — 296 p. — ISBN 978-1476669878
• Rhodes, Gary D. Tod Browning's Dracula. — UK: Tomahawk Press, 2014. — 376 p. — ISBN 0956683452
• Weaver, Tom; Brunas, Michael; Brunas, John Universal Horrors: The Studio's Classic Films, 1931—1946. — 2nd edition. — Jefferson: McFarland & Company, 2007. — 608 p. — ISBN 0786429747

Աղբյուրներ

• Barnes, Mike (December 16, 2015). «'Ghostbusters', 'Top Gun', 'Shawshank' Enter National Film Registry». The Hollywood Reporter. Արխիվացված է օրիգինալից March 9, 2016-ին. Վերցված է December 16, 2015-ին.
• Browning, John Edgar; Picart, Caroline Joan (Kay) (2011). Dracula in Visual Media. McFarland & Company. ISBN 978-0-7864-3365-0.
• Deming, Mark. «Dracula (1931)». AllMovie. Վերցված է January 28, 2021-ին.
• Garvin, Glenn (October 27, 2015). «The Secret Story Behind the Other 'Dracula' and the lead actress who just died at 106». Miami Herald. Արխիվացված է օրիգինալից October 29, 2015-ին. Վերցված է January 28, 2021-ին.
• Rhodes, Gary D. (2014). Tod Browning's Dracula. Tomahawk Press. ISBN 978-0-9566834-5-8.
• Weaver, Tom; Brunas, Michael; Brunas, John (2007) [1990]. Universal Horrors (2 ed.). McFarland & Company. ISBN 978-0-7864-2974-5.

Արտաքին հղումներ

• Dracula essay by András Lénárt at the National Film Registry website
• Dracula(անգլ.) ֆիլմը Internet Movie Database կայքում

https://ru.wikipedia.org/wiki/%D0%94%D1%80%D0%B0%D0%BA%D1%83%D0%BB%D0%B0_(%D0%B8%D1%81%D0%BF%D0%B0%D0%BD%D0%BE%D1%8F%D0%B7%D1%8B%D1%87%D0%BD%D1%8B%D0%B9_%D1%84%D0%B8%D0%BB%D1%8C%D0%BC,_1931)