Մասնակից:Ann Aprikyan/Ավազարկղ3

Սան Ֆերնանդո; San Fernando
	Զինանշան
	; Coat of Arms
Երկիր	Չիլի
Մասն է	Կոլչագուա նահանգ
քաղաքապետ	Պաբլո Սիլվա Պերեզ

Սան Ֆերնանդո (անգլ.՝ San Fernando) քաղաք Չիլիի կենտրոնական մասում գտնվող Կոլչագուա նահանգի և Օ'Հիգինս շրջանի երկրորդ ամենաբնակեցված հատվածում։ Քաղաքը տեղակայված է Տինգուիրիրիկա գետի մոտ (Ռապելի վտակ)՝ բերրի հովտում: Սան Ֆերնանդոն գտնվում է ծովի մակարդակից 339 մ (1112 ֆուտ) բարձրության վրա։ Հիմնադրվել է 1742 թվականին, դարձել է գավառի մայրաքաղաքը 1840 թվականին:

Մշակույթ խմբագրել

Գտնվելով երկրի սրտում՝ Սան Ֆերնանդոն հայտնի է իր ռոդեոներով: Շրջակայքում աճեցվում է ցորեն, կերային մշակաբույսեր, բրինձ, հատիկաընդեղեն և խաղող։ Գոյություն ունի նաև չիլիական գինու ապրանքանիշ, որը կոչվում է «San Fernando»: Ե՛վ Պան-Ամերիկյան մայրուղին, և՛ Չիլիի հիմնական երկայնական երկաթուղին անցնում է Սան Ֆերնանդոյով:

Սան Ֆերնանդոն գտնվում է Չիլիի Կոլչագուա հովտի հյուսիսային ծայրամասում: Այս տարածաշրջանը լայնորեն հայտնի է որպես Չիլիի գյուղատնտեսության սիրտ: Այստեղ կարելի է գտնել «գինու երթուղի», որը այցելուներին կտանի Սան Ֆերնանդոյից Սանտա Կրուս՝ այցելելով Չիլիի ամենաավանդական խաղողի այգիները:

Սան Ֆերնանդոյի և շրջակայքի որոշ հիմնական տեսարժան վայրերից են «Casa Silva»-ն, հյուրանոցը, խաղողի այգին և գինեգործարանը: «Hacienda Los Lingues», ավանդական չիլիական ոճով գաղութային տունը, որը պատկանում է «հովանավորին» կամ սեփականատիրոջը, վերածվել է հյուրանոցի և ռեստորանի։ «Hacienda»-ն առաջարկում է արկածային ձիավարություն Անդերի նախալեռներում:

Արտահանվող թարմ մրգերի խոշոր արտադրողներից շատերը գտնվում են Սան Ֆերնանդոյում և նրա շրջակայքում: Դրանք ներառում են՝ «Frusan, Unifruti» և «Agricola Panagro»: Տարածաշրջանի այգիներում և գյուղացիական տնտեսություններում կարելի է գտնել գրեթե ամեն տեսակի թարմ արտադրանք` ցիտրուսային մրգերից մինչև բարձրորակ թարմ կեռաս: Սան Ֆերնանդոն նաև ուղևորման կետ է դեպի «Լաս Թերմաս դել Ֆլակո» (Ֆլակոյի ջերմային բաղնիքներ)։ Ֆլակո կարելի է հասնել՝ 5-րդ երթուղուց արևելք ճանապարհորդելով Պուենտե Նեգրո տանող ճանապարհով: Լաս Թերմասի բաղնիքները բաց են դեկտեմբերի կեսերից մինչև ապրիլ և գտնվում են մի տարածքում, որը հայտնի է իր մեծ թվով Տրիկահյուների (ժայռային թութակ՝ տեղական թութակի տեսակ)^[1] և դինոզավրերի քարացած հետքերով։

Վիճակագրություն խմբագրել

Համաձայն Ազգային վիճակագրության ինստիտուտի 2017 թվականի մարդահամարի՝ Սան Ֆերնանդոն զբաղեցնում է 2,441.3 կմ² (943 քառակուսի մղոն) տարածք և ունի 73,973 բնակիչ (36,077 տղամարդ և 37,896 կին): Բնակչությունն աճել է 16,1%-ով (11881 մարդ) 2002-2017 թվականների մարդահամարների միջև ընկած ժամանակահատվածում^[2]։

Վարչակազմ խմբագրել

Որպես համայնք՝ Սան Ֆերնանդոն Չիլիի երրորդ մակարդակի վարչական բաժինն է, որը կառավարվում է տեղական ինքնավարության խորհրդի կողմից, գլխավորում է քաղաքապետը, որը ժողովրդավարական ճանապարհով ընտրվում է չորս տարին մեկ։ Ներկայիս վարչակազմը ղեկավարում է Պաբլո Սիլվա Պերեսը (անկախ), ով ընտրվել է 2021 թվականի Չիլիի քաղաքային ընտրություններում։

Կլիմա խմբագրել

Սան Ֆերնանդոի կլիմայական տվյալները
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	Տարի
Միջին բարձր °C (°F)	28 (82)	27 (80)	24 (76)	20 (68)	15 (59)	12 (54)	12 (54)	14 (57)	16 (61)	19 (67)	23 (73)	26 (79)	20 (68)
Միջին ցածր °C (°F)	13 (55)	12 (54)	11 (51)	8 (46)	6 (43)	4 (40)	4 (39)	4 (40)	6 (42)	8 (46)	9 (49)	12 (53)	8 (47)
Տեղումներ մմ (դյույմ)	8 (0.3)	8 (0.3)	13 (0.5)	30 (1.2)	140 (5.5)	208 (8.2)	150 (6)	119 (4.7)	61 (2.4)	28 (1.1)	23 (0.9)	8 (0.3)	792 (31.2)
աղբյուր: Weatherbase ^[3]