Մասնակից:Նանե Սարգսյան/Ավազարկղ1
Արտյոմ Բաբայան | |
---|---|
Ծննդավայր | ք. Երևան |
Մահվան վայր | Ջրական (Ջաբրայիլ) |
Գերեզման | Եռաբլուր |
Ծառայության տարիներ | 2019թ․ հուլիսի 4 - 2020թ. հոկտեմբերի 15 |
Կոչում | բուժակ, կրտսեր սերժանտ |
Զորամաս | Որոտանի զրահատանկային զորամաս |
Պարգևներ | «Մարտական ծառայություն» մեդալ |
Արտյոմ Հովիկի Բաբայան (մարտի 16, 2001թ. Երևան - հոկտեմբերի 15, 2020թ. Մեխակավան (Ջաբրայիլ)), Արցախյան երկրորդ պատերազմի ազատամարտիկ:[1]
Կենսագրություն խմբագրել
Ծնվել է 2001 թվականի մարտի 16-ին՝ քաղաք Երևանում։ Ընտանիքի երրորդ զավակն է։[2]
2007 թվականին ընդունվել է Երևանի Գալուստ Գյուլբենկյանի անվան թիվ 190 ավագ դպրոց։ Սովորելուն զուգահեռ զբաղվել է բռնցքամարտով՝ հաճախելով Երևանի Մալաթիա-Սեբաստիայի Մանկապատանեկան համալիր մարզադպրոց։ Մասնակցել է բազմաթիվ մրցաշարերի՝ գրավելով պատվավոր հորիզոնականներ։
2016 թվականին՝ դպրոցն ավարտելուց հետո՝ ընդունվել է Երևանի պետական հենակետային բժշկական քոլեջ՝ «Ատամնատեխնիկական գործ» մասնագիտացմամբ։ Ուսմանը զուգահեռ՝ 16 տարեկանից աշխատել է «ՍԱՍ Գրուպ» ընկերությունում՝ անընդմեջ դառնալով «լավագույն աշխատող»՝ արժանանալով բազմաթիվ պատվոգրերի և խրախուսանքների։ Ավարտելով քոլեջը՝ զորակոչվել է բանակ։[3]
Զինվորական ծառայություն խմբագրել
2019թ․ հուլիսի 4-ին Արտյոմը զորակոչվել է Հայաստանի զինված ուժեր։ Ծառայությունն անց է կացրել Որոտանի (Կուբաթլու) զրահատանկային զորամասում։ Ծառայությունից ամիսներ անց վերապատրաստվել է Զինված ուժերի ռազմաբժշկական ուսումնական կենտրոնում՝ դառնալով «բուժակ, կրտսեր սերժանտ»։ Նա բազմիցս գնում էր Ջրական (Ջաբրայիլ)՝ մասնակցելու զորավարժությունների։ Վերջին զորավարժության ժամանակ էլ սկսվեց պատերազմը։[4] 19-ամյա Արտյոմը միանգամից իր մասնագիտական առաքելությանն էր անցել և փրկել բազմաթիվ կյանքեր:[5] Արտյոմը իր հրամանատարի՝ Էդգար Մաթևոսյանի և իր ընկերոջ՝ Գոռ Երմալովյանի հետ ազատագրել էին «Լալալայկա» բարձունքը՝ լուծելով Ադամ Սահակյանի վրեժը։[6] Զոհվել է 2020թ․ հոկտեմբերի 15-ին՝ հերթական առաջադրանքը կատարելիս:[7]
Պարգևներ և շքանշաններ խմբագրել
Պարգևատրվել է «Մարտական ծառայություն» մեդալով։
Տես նաև խմբագրել
Ծանոթագրություններ խմբագրել
- ↑ «Զենքը փոխարինել է առաջին բուժօգնության իրերով այն ժամանան, երբ լսել է իրեն օգնության կանչող վիրավոր զինվորներին. 19-ԱՄՅԱ ՀԵՐՈՍ ԱՐՏՅՈՄ ՀՈՎԻԿԻ ԲԱԲԱՅԱՆԻ սխրանքի ուղղին».
- ↑ «Հայրենիք փրկած անմահները․ Սուրբ նահատակ Արտյոմ Բաբայան (տեսանյութ)».
- ↑ «Մայրը պատմում է, որ շատ հայրենասեր էր, միշտ զրույցների ընթացքում ասում էր, որ գերադասում է մեռնել, քանի իր սուրբ հողը թշնամու ոտքերի տակ տեսնել». 9 հունվար, 2021.
- ↑ «ԻՄ ԶԵՆՔՆ ԻՄ ԴԵՂՆ ԷՐ».
- ↑ «19-ամյա Արտյոմին թե' հրամանատարները, և թե' զինվորները օգնության էին կանչում <<բժի՜շկ>> վանկարկելով․․․․Պատերազմի ամենաերիտասարդ բժիշկը».
- ↑ «ՀԱՍԱՐԱԿՈՒԹՅՈՒՆԷդգար Մաթևոսյանը, Գոռ Երմալովյանը, Արտյոմ Բաբայանը ազատագրել էին Լալայկա բարձունքը՝ լուծելով Ադամ Սահակյանի վրեժը». azat.tv. 17.01.2021.
- ↑ «Մարտնչել է արիաբար՝փրկելով տասնյակ զինվորների կյանքեր. Հերոսապատում».