Հայոց ցեղասպանության հուշաքար (Տրոյ, Միչիգան)

Անվան այլ կիրառումների համար տե՛ս՝ Հայոց ցեղասպանության հուշաքար (այլ կիրառումներ)

Հայոց ցեղասպանության հուշաքար, հուշաքար ԱՄՆ Միչիգան նահանգի Տրոյ քաղաքի Ռիվերֆրոնտ զբոսայգում՝ Վիետնամի պատերազմի զոհերի հուշակոթողի հարևանությամբ։

Հայոց ցեղասպանության հուշաքար (Տրոյ, Միչիգան)
Տեսակ	հուշարձան
Երկիր	ԱՄՆ
Շինության ձև	Հուշաքար
Հիմնական թեմա	Հայոց ցեղասպանություն
Ներկա վիճակ	Կանգուն

Պատմություն

Հուշարձանի տեղադրման նախագիծը կյանքի է կոչվել «Վարդանի դուստրեր և որդիներ» կազմակերպության և Հայոց ցեղասպանությանը նվիրված հանձնաժողովի համանախագահ Ռալֆ Ենոքյանի ջանքերով։

Հուշարձանի բացման արարողությանը ներկա են գտնվել Սուրբ Պետրոս հայկական առաքելական եկեղեցու քահանա Ստեփանոս Դուդուկչյանը, Հայոց ցեղասպանությանը նվիրված հանձնաժողովի համանախագահ Ռալֆ Ենոքյանը, նահանգային պաշտոնյաներ և հայկական համայնքի ներկայացուցիչներ։

Տվյալներ

Հուշաքարի վրա փորագրված է.

Dedicated to the victims of the Armenian Genocide of 1915 and the survivors who settled in and around the city of Troy. հայերեն՝ Հուշաքարը նվիրվում է 1915 թվականի Հայոց ցեղասպանության զոհերին և ողջ մնացածներին, ովքեր հաստավել են Տրոյ քաղաքում և շրջակայքում։