Հակոբ Գասարճեան
Հակոբ Գասարճեան (1946, Լիբանան), լիբանանահայ քաղաքական և հասարակական գործիչ[1]։
| Հակոբ Գասարճեան | |
| Կրթություն՝ | Բեյրութի ամերիկյան համալսարան |
|---|---|
| Մասնագիտություն՝ | հասարակական գործիչ |
| Ազգություն | հայ |
| Ծննդյան օր | 1946 |
| Ծննդավայր |  Լիբանան
|
| Պարգևներ |
 |
Կենսագրություն խմբագրել
Ավարտել է Բեյրութի Ամերիկյան համալսարանը, զբաղվել գործարարությամբ։ Երիտասարդ տարիքից ակտիվ գործունեություն է ծավալել Հայ Բարեգործական Ընդհանուր Միությունում, Ռամակավար ազատական կուսակցությունում և Թեքեյան մշակութային միությունում։ Այնուհետև Հակոբ Գասարճեանը հաստատվել է Ֆրանսիայում, ակտիվորեն զբաղվել է համայնքային գործունեությամբ, վարել է ՀԲԸՄ Ֆրանսիայի շրջանային հանձնաժողովի ատենադպիրի պաշտոնը։ 1995 և 1998 թվականներին ընտրվել է Ռամակավար ազատական կուսակցության կենտրոնական վարչության ատենապետ։ Նրա աջակցությամբ հիմնադրվել է Հայաստանի Ռամկավար ազատական կուսակցությունը։ Հակոբ Գասարճեանը Հայաստանում իրականացրել է մի շարք բարեգործական ծրագրեր։
Այնուհետև Հ.Գասարճեանը վերադարձել է Լիբանան։ 2000 թվականին նա ընտրվել է Լիբանանի խորհրդարանի պատգամավոր, 2005 թվականին՝ վերընտրվել։ Եղել է Թեքեյան մշակութային միության Հիմնադիրների մարմնի անդամ, այնուհետև՝ նույն մարմնի ատենապետ։
Ներկայումս «Անելիք» բանկ ՓԲԸ խորհրդի նախագահն է։
Պարգևներ խմբագրել
- Մխիթար Գոշի մեդալ (2011)[2]։
Ծանոթագրություններ խմբագրել
- ↑ «Հակոբ Գասարճեան». Արխիվացված է օրիգինալից 2016 թ․ մարտի 6-ին. Վերցված է 2015 թ․ սեպտեմբերի 11-ին.
- ↑ Հայաստանի Հանրապետության մեդալներով պարգևատրելու մասին