Կրթական տեխնոլոգիաների ազգային կենտրոն
«Կրթական տեխնոլոգիաների ազգային կենտրոն» (ԿՏԱԿ)[1], պետական ոչ առևտրային կազմակերպություն, որը ստեղծվել է Հայաստանի կառավարության 2004 թվականի մարտի 11-ի թիվ 408 որոշմամբ[2]։
Կազմակերպության կառավարումն իրականացնում է Հայաստանի Կառավարությունը, նրա լիազորած պետական մարմինը՝ ի դեմս Հայաստանի կրթության և գիտության նախարարության և գործադիր մարմինը՝ ի դեմս տնօրենի և կոլեգիալ կառավարման մարմնի՝ ի դեմս խորհրդի։
2011 թ-ի սեպտեմբերի 19-ից ԿՏԱԿ-ի տնօրենն է Արտակ Պողոսյանը։
2006-2011 թթ. կազմակերպության տնօրենն է եղել և կազմակերպության կայացման գործընթացը ղեկավարել է տեխնիկական գիտությունների դոկտոր, պրոֆեսոր Արեգ Գրիգորյանը։
2004-2006 թթ. ԿՏԱԿ–ի տնօրենն է եղել և կազմակերպության ստեղծման գործընթացը ղեկավարել է Էդվարդ Հովսեփյանը։
Կանոնադրություն խմբագրել
Կազմակերպության գործունեության առարկան Հայաստանի Հանրապետության հանրակրթական դպրոցներում տեղեկատվական և հաղորդակցման տեխնոլոգիաների ներդրման ու դրա շարունակականության ապահովումն է։
Նպատակներ խմբագրել
- հանրակրթական դպրոցները ժամանակակից համակարգչային սարքավորումներով համալրելը.
- հանրակրթական դպրոցների միջև համընդհանուր համակարգչային ցանցի ներդնումը.
- հանրակրթական դպրոցներում ինտերնետային կապի ներդնումը.
- հանրակրթական դպրոցներում համակարգչային ուսումնական կենտրոնների ստեղծումը.
- Հանրապետությունում տարվող կրթական տեղեկատվական և հաղորդակցման տեխնոլոգիաների բնագավառի բոլոր ծրագրերի կոորդինացումը.
- ուսուցիչների համակարգչային գրագիտության բարձրացման նպատակով, նրանց վերապատրաստումը.
- հանրակրթական դպրոցների ինտերնետային համալիր էջի ստեղծումը և դրա շահագործումը.
- համակարգչային ուսումնական նյութերի և ծրագրային փաթեթների մշակումը, հրատարակումը, և տրամադրումը հանրակրթական դպրոցներին.
- համակարգիչների վարձակալության գործընթացի և շրջանառու հիմնադրամի կառավարումը.
- կրթական տեղեկատվական և հաղորդակցման միջավայրի ստեղծումը՝ համակարգչային համընդհանուր ցանցում աստիճանաբար ներառելով միջին և բարձրագույն մասնագիտական ուսումնական կազմակերպությունները»։
Կազմակերպության կառավարումը խմբագրել
Իրականացնում են հիմնադիրը (Հայաստանի Հանրապետություն)` ի դեմս Հայաստանի Հանրապետության կառավարության, նրա լիազորած պետական մարմինը` ի դեմս Հայաստանի Հանրապետության կրթության և գիտության նախարարության և գործադիր մարմինը՝ ի դեմս տնօրենի և կոլեգիալ կառավարման մարմնի՝ ի դեմս խորհրդի։
Խորհրդի կազմ խմբագրել
- Մանուկ Մկրտչյան (խորհրդի նախագահ), Կրթության և գիտության նախարարի տեղակալ,
- Արեգ Գրիգորյան, Հայաստանի պետական ճարտարագիտական համալսարան (ՊՈԼԻՏԵԽՆԻԿ), պրոռեկտոր (Կրթության ազգային ինստիտուտի թեկնածու),
- Արման Գալստյան, Տրանսպորտի և կապի նախարարություն, Տեղեկատվայնացման վարչության պետի տեղակալ, պետական տեղեկատվական միասնական համակարգի բաժնի պետ,
- Հասմիկ Ղազարյան, «Կրթական ծրագրերի կենտրոն» ծրագրերի իրականացման գրասենյակ, տնօրեն,
- Ռոբերտ Վարդանյան, «Քվանտ» վարժարան, տնօրեն,
- Վահրամ Ղազարյան, «Բյուրակն» կրթական համալիր, տնօրեն,
- Հայկազ Նավասարդյան, Երևանի Ա.Շահինյանի անվան ֆիզմաթ դպրոց, տնօրեն,
- Աշոտ Հարությունյան, Երևանի հ. 184 միջն. դպրոց, տնօրեն,
- Արտաշես Թորոսյան, Երևանի հ. 198 միջն. դպրոց, տնօրեն,
- Արմեն Կուլախսզյան (խորհրդի քարտուղար), ԿՏԱԿ, տնօրենի տեղակալ, ԴԻՑ բաժնի պետ,
- Արաբո Մարգարյան, ԿՏԱԿ, ՏՀՏ բովանդակության բաժնի ավագ մասնագետ։
Ծանոթագրություններ խմբագրել
- ↑ «Կտակի պաշտոնական կայք». Արխիվացված է օրիգինալից 2015 թ․ մայիսի 29-ին. Վերցված է 2015 թ․ մայիսի 27-ին.
- ↑ «ՀՀ կառավարության 2004 թվականի մարտի 11-ի թիվ 408 որոշոմ». Արխիվացված է օրիգինալից 2016 թ․ մարտի 4-ին. Վերցված է 2015 թ․ մայիսի 27-ին.