Կրաբի (պոկեմոն)
Կրաբի (անգլ.՝ Krabby), առաջին սերնդի ջուր տեսակի արևադարձային պոկեմոն, որը պոկեմոնների ազգային ցանկում (հավաքագրված է «Կանտո» պոկեդեքսում) հաշվառված է #098 կարգաթվի ներքո[1]։ Համարվում է «Պոկեմոն» ապրանքանիշի մանգայի և անիմեի կերպար։ Կրաբին ոսկե խեցգետին է, որն աչքի է ընկնում իր երկու սրածայր և կեռ թևիկներով, որի միջոցով էլ գրոհում է թշնամուն։ Հանդիպում է արևադարձային և ծովափնյա գոտիներում։ Կրաբին հայտնի է նաև որպես Էշ Կետչումի առաջին պոկեմոններից մեկը[2][3]։
![]() | |
Krabby* | |
---|---|
Պոկեմոնների ազգային ցանկում | |
![]() | |
Կրաբիի դիմային տեսքը | |
Կերպարապես | երկկենցաղ խեցգետին |
Կարգաթիվ | #098 #166 (Ջոհտոյի ցանկում) |
Պոկեդեքսում | Պոկեմոնների ազգային ցանկում |
Կենդանու տեսակ | ոսկե խեցգետին (Chaceon fenneri) |
Տեսակ | ![]() |
Զանգված | 6.5 կգ |
Հասակ | 40 սմ |
Արտաքին բնութագրիչ | սրածայր կտրող թևիկներ |
Գլխավոր առանձնահատկություն | կտրիչներ |
Հիմնական բնակավայր | ծովափնյա ավազուտներ |
Նախասիրություն | ավազների մեջ մտնել |
Տեխնիկա | |
Զարգացման մակարդակ | ստորին մակարդակ |
Սկզբնական մակարդակ | Կրաբի |
Զարգացած մակարդակ | Կինգլեր (#099) |
Գերզարգացած մակարդակ | բացակայում է |
Զարգացման ձև | մակարդակ 28 |
Հատկությունների փոփոխություն | տիպային հատկությունները չեն փոխվում |
Տեխնիկական հնարքներ | «չափազանց կտրող» (hyper cutter) «խեցի զրահ» (shell armor) |
Գլխավոր տեխնիկա | գրոհ (105%) |
Թուլություն | |
Պոկեմարզիչ | ![]() |
* Անվանումը պոկեմոնների պաշտոնական ցանկում ** Պոկեմոններն ըստ դասակարգման կարգաթվերի | |
Պոկեմոններ ![]() |
Կրաբին պոկեմոնի զարգացման երկու աստիճաններից առաջինն է։ Վերջինս մակարդակ 28-ում զարգանում է՝ վերածվելով ահռելի Կինգլերի։ Էվոլյուցիայի արդյունքում տիպային հատկություններ չեն փոխվում։
Նկարագրություն
խմբագրելՄյուս խեցգետինների պես Կրաբիի մարմինը ևս պատված է կարծր արտաքին մակերևույթով՝ խիտինային կուտիկուլայով, որը հաճախ կիր է պարունակում և զրահ առաջացնում։ Նման ֆիզիոլոգիական կառուցվածքը պոկեմոնին օգտնում է պաշտպանել փոքրիկ և նուրբ մարմինը։ Բավականին փոքրիկ պոկեմոն է․ ստորին և վերին վերջույթները մարմնին միացված են բարակ ոսկորներով։ Վերջինիս գլխավոր կառուցվածքային առանձնահատկությունը մեծ և կարմիր թևիկներն են, որոնք ունեն սրածայր եզրեր։ Թևիկների օգնությամբ Կրաբին իրականացնում է իր կարողությունների մեծ մասը։ Որոշ դեպքերում Կրաբին մարմնից անջատում է իր թևիկները, իսկ ռեֆլեքսավերականգնման գործընթացների շնորհիվ այն կարճ ժամանակահատվածում աճում է[4]։
Վայրի Կրաբիներն ապրում են ջրային տարածքների ափամերձ գոտիներում՝ ինչպես աղի, այնպես էլ քաղցրահամ ջրերում։ Ամենից շատ հանդիպում են արևադարձային լողափերում, որտեղ վերջինս պատսպարվում է ավազների մեջ։ Սննդի անբավարարության պայմաններում վերջինս ավազ ուտելով իսկույն վերականգնվում է, իսկ իր տունը պաշտպանելու ժամանակ ցուցաբերում չափազանց ագրեսիվ վարքագիծ։ Կրաբիի հիմնական պաշտպանական միջոցը փրփրառաջացումն է։ Փրփուրի միջոցով վերջինս պաշտպանում է իր մարմինը և հակառակորդի համար ստեղծում խաբուսիկ իրավիճակ։ Ընդհանուր առմամբ, վտանգի կամ սպառնալիքի առկայության ժամանակ այս պոկեմոնը կարողանում է պաշտպանել իրեն գրեթե ցանկացած տեղում[4]։
Հմտություններ
խմբագրելԿրաբին նախկինում ունեցել է երեք աբիլիթի, որոնցից մեկն այժմ վերացել է։ Ներկայումս այս պոկեմոնի տեխնիկական հմտությունները հետևյալներն են․
- «Չափազանց կտրող»՝ այս աբիլիթիի ի կատար ածման ժամանակ Կրաբին օգտագործում է իր երկու կարմրավուն և կարծր թևիկները։ Դրանց սրությունից օգտվելով այս պոկեմոնը ճանկում է հակառակորդին և էական վնաս հասցնում վերջինիս։ Եթե ախոյան պոկեմոնը պոչավոր է, ապա առավել հավանական է, որ պոչը կդառնա Կրաբիի գրոհի անմիջական թիրախակետը[5]։
- «Խեցի զրահ»՝ այս աբիլիթին մեծապես ունի պաշտպանական նշանակություն։ Կրաբին օգտագործելով իր ամուր խեցին դեմ հանդիման է դուրս գալիս հակառակորդին հարվածին։ Շատ ժամանակ այս աբիլիթին օգտագործվում է հանկարծակի հարվածի պարագայում։ Այն նաև պաշտպանում է թունավորումից[6]։
Անիմեում
խմբագրելԷշ Կետչումի Կրաբին
խմբագրելԱնիմեում Կրաբիի ամենահայտնի պոկեմարզիչներից է Էշ Կետչումն Ալաբաստիա քաղաքից։ Էշը Կրաբիին որսում է «Փարոսի առեղծվածը» թողարկման ժամանակ՝ ցերեկային լողափում[7]։ Վերջինս ավազների մեջ նկատում է փոքրիկ պոկեմոնին և միանգամից պոկեգնդի միջոցով որսում վերջինիս։
Այնուհետև նա տեղեկանում է, որ պոկեմարզիչը չի կարող ձեռքի վրա ունենալ միաժամանակ վեցից ավելի պոկեմոն և Կրաբիին տեղափոխում է պրոֆեսոր Օուկի լաբորատորիա։ Նույն ժամանակ Էշը տեղեկանում է նաև, որ միևնույն օրը ահռելի չափի Կրաբի է որսացել նաև իր հակառակորդը՝ Գարին։ Էշի Կրաբին մնում է լաբորատորիայում մինչև Ինդիգոների լիգայի սկսելը։ Նախքան առաջին հանդիպումը՝ Էշը պրոֆեսոր Օուկից ետ է խնդրում Կրաբիին և վերջինիս օգտագործում առաջին իսկ մարտում՝ ջրային մարզադաշտում։
«Ռաուդն առաջին՝ սկսեցի՜նք․․․» թողարկման ընթացքում տեղի է ունենում Էշ Կետչումի դեբյուտային մարտը պոկեմոնների լիգայում։ Հաղթելով Էքզեգյուտորին՝ Էշի Կրաբինն վերածվում է Կինգլերի[8]։ Այսպիսով, անիմեում սա Էշի Կրաբիի առաջին և միակ մրցությունն էր։ Էվոլյուցիայի ենթարկված Կինգլերի շնորհիվ Էշը հաղթում է Ինդիգոների լիգայի առաջին մրցությունը՝ հաղթելով նաև հակառակորդի Սիդրային և Գոլբատին։
Էշ Կետչումի պոկեդեքսը Կրաբիի մասին պարունակում է հետևյալ տեղեկատվությունը․
Կրաբբի․ ապրում է ծովափին։ Միջին բարձրությունը՝ մոտավորապես 16 դյույմ։ - Էշի պոկեդեքս
|
Այլ պոկեմարզիչների Կրաբիներ
խմբագրելԱրտաքին տեսաֆայլեր | |
---|---|
Էշ Կետչումը լողափում որսում է Կրաբիին |
Էշի հետ միաժամանակ մեկ այլ և չափերով անհամեմատ ավելի մեծ Կրաբի է որսում նաև պրոֆեսոր Օուկի թոռը՝ Գարին, որը Կետչումի գլխավոր հակառակորդն էր։ Սակայն, ի տարբերություն Էշի՝ Գարիի Կրաբին այդպես էլ չի վերածվում Կինգլերի և շարունակում է մնալ սկզբնական մակարդակում։
Կրաբին անիմեի առաջին եթերաշրջանում հիշատակվում է նաև «Էվոլյուցիայի բացատրությունը» թողարկման ընթացքում, որտեղ վերջինս մի պահ դուրս է գալիս ջրից և բռնում սկզբում Սլովպոուկի և ապա Փսայդաքի պոչը[9]։
Ծանոթագրություններ
խմբագրել- ↑ «Krabby | Покедекс | Узнай больше на Pokemon.ru». www.pokemon.com (ռուսերեն). Վերցված է 2018 թ․ հոկտեմբերի 14-ին.
- ↑ Jacob official 2 (2018 թ․ փետրվարի 16), Ash caught Krabby, Վերցված է 2018 թ․ հոկտեմբերի 13-ին
{{citation}}
: CS1 սպաս․ թվային անուններ: authors list (link) - ↑ «Ash's Kingler - Bulbapedia, the community-driven Pokémon encyclopedia». bulbapedia.bulbagarden.net (անգլերեն). Վերցված է 2018 թ․ հոկտեմբերի 13-ին.
- ↑ 4,0 4,1 «Krabby (Pokémon) - Bulbapedia, the community-driven Pokémon encyclopedia». bulbapedia.bulbagarden.net (անգլերեն). Վերցված է 2018 թ․ հոկտեմբերի 14-ին.
- ↑ «Hyper Cutter (Ability) - Bulbapedia, the community-driven Pokémon encyclopedia». bulbapedia.bulbagarden.net (անգլերեն). Վերցված է 2018 թ․ հոկտեմբերի 14-ին.
- ↑ «Shell Armor (Ability) - Bulbapedia, the community-driven Pokémon encyclopedia». bulbapedia.bulbagarden.net (անգլերեն). Վերցված է 2018 թ․ հոկտեմբերի 14-ին.
- ↑ «EP013 - Bulbapedia, the community-driven Pokémon encyclopedia». bulbapedia.bulbagarden.net (անգլերեն). Վերցված է 2018 թ․ հոկտեմբերի 14-ին.
- ↑ «EP075 - Bulbapedia, the community-driven Pokémon encyclopedia». bulbapedia.bulbagarden.net (անգլերեն). Վերցված է 2018 թ․ հոկտեմբերի 14-ին.
- ↑ «EP066 - Bulbapedia, the community-driven Pokémon encyclopedia». bulbapedia.bulbagarden.net (անգլերեն). Վերցված է 2018 թ․ հոկտեմբերի 14-ին.