Կոնկորդատ

Կոնկորդատ (ուշ լատիներեն՝ concordatum - համաձայնություն), համաձայնագիր Հռոմի պապի և որևէ պետության միջև, որով կարգավորվում է կաթոլիկ եկեղեցու վիճակը տվյալ երկրում։ Առաջին կոնկորդատը կնքվել է 1122 թվականին, Հռոմի պապի և գերմանական կայսեր միջև, որով ավարտվել է պայքարը ինվեստիտուրայի համար։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 570)։