Կինետիկ էներգիա

Մարմնի շարժմամբ պայմանավորված էներգիան կոչվում է կինետիկ էներգիա։

Հետևյալ սահմանումից կարելի է եզրակացնել, որ եթե մարմնի արագույթյունը լինի զրո, ապա կինետիկ էներգիան նույնպես կզոյանա։ Այսինքն մարմնին կինետիկ էներգիայով օժտելու համար հարկավոր է նրան հաղորդել որոշակի արագույթյուն։

Կինետիկ էներգիա, մեխանիկական էներգիայի տեսակ։ Նյութական կետի կինետիկ էներգիան որոշվում է $E_{\text{k}}={\tfrac {1}{2}}mv^{2}$ բանաձևով ($m$-ը կետի զանգվածն է, $v$-ն՝ արագությունը)։ Նյութական կետերի համակարգի կինետիկ էներգիան հավասար է բոլոր կետերի կինետիկ էներգիաների թվաբանական գումարին։ Անշարժ առանցքի շուրջը պտտվող պինդ մարմնի կինետիկ էներգիան հավասար է $E_{\text{r}}={\begin{matrix}{\frac {1}{2}}\end{matrix}}I\omega ^{2}$ ($I$-ն մարմնի իներցիայի մոմենտն է պտտման առանցքի նկատմամբ, $\omega$-ն՝ անկյունային արագությունը)։ Լույսի արագության ($c$) հետ համեմատելի արագությունների դեպքում $E_{\text{k}}=m\gamma c^{2}-mc^{2}={\frac {mc^{2}}{\sqrt {1-v^{2}/c^{2}}}}-mc^{2}$։

Մարմնի կինետիկ էներգիան կարելի է արտահայտել նաև իմպուլսի միջոցով $p=mv$ բանաձևից բխող $v=p/m$ արտահայտությունը տեղադրելով կինետիկ էներգիայի բանաձևի մեջ` կստանանք $E_{k}=p^{2}/2m:$

Այս բանաձևից հետևում է, որ ավելի մեծ կինետիկ էներգիայով օժտված են այն մարմինները, որոնց զանգվածն առավել փոքր է։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 432)։