Կգա մի օր
Կգա մի օր (անգլ.՝ Where were you), հայ երգչուհի Սիրուշոյի երգը։ Թողարկվել է 2015 թվականի ապրիլի 23-ին, երկու տարբերակով՝ հայերեն և անգլերեն։ Երգը նվիրված է 1915 թվականի հայոց ցեղասպանության հարյուրամյա տարելիցին։ Երգի տեսահոլովակում ներկայացվում են դրվագներ Մեծ Եղեռնից։
«Կգա մի օր» | ||
---|---|---|
Սիրուշոի երգը | ||
Թողարկված | 2016 ապրիլ, Հայաստան | |
Ժանր | Փոփ, ռոք, ժողոովրդական | |
Տևողություն | 4:16 | |
Լեյբլ | Sirusho Production | |
Հեղինակ | Սիրուշո | |
Պաշտոնական տեսահոլովակըՅուԹյուբում |
Պատմություն խմբագրել
Երգի հայերեն տարբերակի խոսքերի հեղինակն Ավետ Բարսեղյանն է։ Իսկ անգլերեն տարբերակի հեղինակները Սիրուշոն, Ռամա Դյուկը և Էլեն Ծաղիկյանը[1]։ Այս երգում նույնպես հայկական ավանդական երաժշտությունը միաձուլված է ժամանակակից ռիթմերով։ Երգը մեծ արձագանքներ ստացավ։ Տեսահոլովակից ներշնչված մի շարք օգտատերեր իրենց ֆեյսբուքյան և ինստագրամի էջում հրապարակում էին նկարներ ՝ դեմքին սև գիծ պատկերված (վերջինս տեսահոլովակի մեջ խորհրդանշում էր ցավ և տառապանք)[2]։ Երգի տեսահոլովակի պրեմիերայից հետո երգչուհին իր ֆեյսբուքյան էջում գրառում է կատարել. «Այս շրջանի աշխատանքներիս հիմքում ընկած են հայկական ռիթմեր։ «Լոռվա երեք ոտք»-ը թե՛ իր ռիթմիկ պատկերով, թե՛ իր պարով օգտագործվել է որպես հիմք, որի վրա ստեղծվել է ամբողջովին նոր երաժշտություն և պար։ Մեր պատմության ընթացքում՝ ամենադժվար պահերին անգամ, ինքներս մեզ ուժ ենք տվել երգ ու պարով։ Դա ուժեղ ժողովրդի հատկություն է, որով հպարտ եմ և փորձել եմ այդ ներկայացնել այստեղ։ Ոչ միային երաժշտությունս է հայկականի և համաշխարհայինի միաձուլում, այլև տեսահոլովակը, պարային շարժումները, հագուստնեերը և այլն։ Այսպիսինն եմ ես, այսպիսինն է իմ իրականությունը։ Յուրաքանչյուր լեզվի խորհուրդ տարբեր է։ Հայերեն երգել եմ այն, ինչ կուզեի իմ հայրենակիցներին ասել։ Անգլերենը հարց ու պահանջ է՝ ուղղված աշխարհի «անտարբեր» մարդկանց»[3][4]։
Տեսահոլովակ խմբագրել
Կգա մի օր երգի և՛ հայերեն, և՛ անգլերեն տարբերաներն ունեն մեկ տեսահոլովակ։ Երգի մեջ միահյուսվում են հայկական ավանդական հնչերանգները ժամանակակից փոփ երաժշտության հետ։ Տեսահոլովակը նկարահանվել է Թալինի Սուրբ կաթողիկե կիսաավեր եկեղեցում։ Իր ճարտարապետական լուծումներով այն հիշեցնում է Դվինի Կաթողիկե եկեղեցին, որը համարվում է վաղ միջնադարյան հայկական ճարտարապետության եզակի հուշակոթողներից մեկը, որը կառուցվել է 7-րդ դարում Կամսարական իշխանների կողմից, երբ հայ առաքելական եկեղեցին ստիպված էր ընդունել քաղկեդոնականություն։ Ինչպես ՊռեԳոմեշ տեսահոլովակում, այստեղ նույնպես Սիրուշոն կրում է հայկական ավանդական նախշերով հագուստներ։
Ծանոթագրություններ խմբագրել
- ↑ http://www.glancejournal.com/2015/04/sirusho-where-were-you-genocide.html(չաշխատող հղում)
- ↑ http://wiwibloggs.com/2015/05/08/sirusho-new-where-were-you/93119/
- ↑ http://www.bravo.am/news/%D5%8D%D5%AB%D6%80%D5%B8%D6%82%D5%B7%D5%B8.-%D4%BF%D5%A3%D5%A1-%D5%B4%D5%AB-%D6%85%D6%80-%D5%A8-%D5%B0%D5%A1%D6%80%D6%81-%D5%B8%D6%82-%D5%BA%D5%A1%D5%B0%D5%A1%D5%B6%D5%BB-%D5%A7%D5%9D-%D5%B8%D6%82%D5%B2%D5%B2%D5%BE%D5%A1%D5%AE-%D5%A1%D5%B7%D5%AD%D5%A1%D6%80%D5%B0%D5%AB-%C2%AB%D5%A1%D5%B6%D5%BF%D5%A1%D6%80%D5%A2%D5%A5%D6%80%C2%BB-%D5%B4%D5%A1%D6%80%D5%A4%D5%AF%D5%A1%D5%B6%D6%81//?utm_source=mediamax.am&utm_medium=widget_300x300&utm_campaign=partnership
- ↑ http://blognews.am/arm/news/261886/sirusho-tesaholovaki-ev-ergi-premiera--kga-mi-or.html