Կարմրան Արարատի
Կարմրան Արարատի | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
T. araratica (Bunge) Gorschk
|
Կարմրան Արարատի (լատին․՝ T. araratica (Bunge) Gorschk ), Կարմրանազգիների ընտանիքի, Կարմրան ցեղի բույս։
Նկարագրություն
խմբագրելՏերևաթափ ծառ կամ թուփ է՝ 6 — 8 մ բարձրությամբ և 5 — 10 սմ բնի տրամագծով։ Ճյուղերի կեղևը գորշավուն է։ Տերևները ձվաձև են, երկարավուն, համարյա ռոմբաձև, սրածայր։ Ծպզկակիր ողկույզները ունեն 1—3 սմ երկարություն։ Կողմնայինները հավաքված են փնջերում կամ միայնակ են։ Ծաղկակիցները երկարավուն են, բթածայր, սովորաբար երկարությամբ հավասար են ծաղկակոթին' նրանից կարճ են կամ երկար։ Բաժակաթերթիկները երկարավուն-ձվաձև են, 0,5—0,7 մմ երկարությամբ, սրածայր, ծայրերը թաղանթանման պսակաթերթիկներից գրեթե 2 անգամ ավելի կարճ։ Առէջները 4-ն են, սրածայր փոշանոթներով։ Սկավառակը 4 անկյունանի է։ Հայաստանի պայմաններում հանդիպում է Արարատյան դաշտում, Մեղրիում, որտեղ աճում է գետափերին, խոնավ վայրերում, աղուտներում, ծ. մ. մինչև 1100 մ բարձրության վրա։
Տարածվածություն
խմբագրելՏարածված է Կովկասում, Արևմտյան Եվրոպայում, Իրանում, Հնդկաստանում, Մոնղոլիայում, ճապոնիայում, Չինաստանում։
Կիրառություն
խմբագրելԿարելի է առաջարկել անապատա-կիսաանապատային շրջանների կանաչապատ¬ ման և անտառապատման նպատակներով[1]։
Ծանոթագրություններ
խմբագրել- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ 233։