Կարմիր գիծ

Կարմիր գիծ, մայրուղիների կարմիր գծեր, քաղաքաշինական տերմին, որով նշվում է մայրուղիների, փողոցների, անցումների և հրապարակների տարածքը կառուցապատման համար նախատեսված տարածքից բաժանող պայմանական սահմանը։ Համաձայն կառուցապատման նախագծերի, շենքերի շինարարությունը կարող է իրականացվել ինչպես կարմիր գծով, այնպես էլ նրանից հեռու, թաղամասի ներսում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 332)։