Կամազ (մարզադաշտ)
«Կամազ», Ֆուտբոլի մարզադաշտ Թաթարստանի Նաբերեժնիե Չելնի քաղաքում։ «Կամազ» մարզադաշտն օգտագործվում է բացառապես ֆուտբոլային խաղերի համար։ Մարզադաշտն ունի բնական խոտածածկ և հագեցած է ջեռուցման համակարգով։ Չկան վազքուղիներ։ Մարզադաշտը հանդիսանում է «Կամազ» ֆուտբոլային ակումբի տնային խաղադաշտը։ 2015 թվականին իրականացվել են վերակառուցման լայնածավալ աշխատանքներ։
 | |
|---|---|
 | |
| Տեսակ | մարզադաշտ |
| Տեղագրություն | Նաբերեժնիե Չելնի |
| Երկիր |  Ռուսաստան |
| Տարողություն | 10 000 |
| Տնային թիմ | «Կամազ» ՖԱ Նաբերեժնիե Չելնի |
 | |
| |
 KAMAZ Stadium Վիքիպահեստում | |
Պատմություն խմբագրել
- 1973 թվականին Գրենադա այգու ամայի տարածքում ձևավորվել է ֆուտբոլի դաշտ։
- 1977 թվականին կառուցվել է առաջին (արևմտյան) 3000 նստատեղով տրիբունա։
- 1988 թվականին կառուցվել է արևելյան տրիբունան։
- 1988 թվականի օգոստոսի 23-ին մարզադաշտում անցկացվել է «Տորպեդո» (Նաբերեժնիե Չելնի) առաջին պաշտոնական խաղը «Մետալուրգ» (Մագնիտոգորսկ) ակումբի հետ։ Հանդիպմանը ներկա է գտնվել 5500 հանդիսատես։
- 1993 թվականին արևելյան և արևմտյան տրիբունաները վերակառուցվել են (նստատեղերը ավելացել են), տեղադրվել են կողային (հարավային և հյուսիսային) տրիբունաները։ Մարզադաշտի ընդհանուր տարողությունը հասել է 12000 հանդիսատեսի։ Վերանորոգվել են շինությունները (լողավազաններ, հանդերձարաններ), փողոցային տաղավարներ, մարզադաշտի նորացված լուսավորություն։
2015 թվականի սեպտեմբեր
- 1996 թվականին մարզադաշտում անցկացվել է ջեռուցման համակարգ։
- 2003 թվականին նստարանները փոխարինվել են առանձին պլաստիկ աթոռներով։ Մարզադաշտի տարողությունը կրճատվել է մինչև 9203 հանդիսատես։ Թարմացվել են լուսավորության համակարգն ու էլեկտրոնային էկրանները։
- 2015 թվականին վերակառուցման աշխատանքներ են կատարվել բոլոր առկա տրիբունաներում, որոնց տեղում տեղադրվել են 6248 հանդիսատեսի համար նախատեսված նոր մետաղական կառույցներ։ Բացի այդ, կառուցվել է երեք հարկանի վարչական և կենցաղային նոր շենք, երկու հանրային զուգարան, փոխվել է լուսավորությունը և ցուցատախտակները, տեղադրվել է տեսահսկման համակարգ։
Հիմնական առանձնահատկություններ խմբագրել
Մարզադաշտը սպորտային համալիր է, որը բաղկացած է ֆուտբոլի դաշտից՝ տրիբունաներով և վարչական և կենցաղային մասնաշենքով։ Մարզդաշտի չափը՝ 105 x 68 մ[1]։ Տրիբունաները հնարավորինս մոտ են դաշտին և իրենցից ներկայացնում են գործարանային արտադրության մետաղական կառույցներ։ Արևմտյան տրիբունային է հարում 1600 մ² ընդհանուր տարածքով երեք հարկանի վարչական և կենցաղային շենքը։ Կան հանդերձարաններ, համաժողովների սրահ, բժշկական կետ, մարզադահլիճ և այլ հարմարություններ, որոնք նախատեսված են Ռուսական ֆուտբոլային միության չափանիշներին համապատասխան։ Արևմտյան տրիբունայի կենտրոնական հատվածից (VIP հյուրերի համար) կա վերնածածկ[2]։ Մարզադաշտն ունի ջեռուցման, ջրահեռացման և տեսահսկման տեխնիկական համակարգեր։ Կան երկու հասարակական զուգարաններ։ Մարզադաշտի հարակից տարածքում կան մարզման մի քանի ֆուտբոլի դաշտեր՝ բնական և արհեստական խոտածածկով՝
- ֆուտբոլի դաշտ № 1 (բնական ծածկույթ) - 100 х 65 մ
- ֆուտբոլի դաշտ № 2 (արհեստական ծածկույթ) - 100 х 68 մ
- ֆուտբոլի դաշտ № 3,4,5, (արհեստական ծածկույթ) - 115 х 45 մ (40х20 մ, 40х20 մ, 70х45 մ)
- ֆուտբոլի դաշտ (բնական ծածկույթ) - 70 х 68 մ
- ֆուտբոլի դաշտ (բնական ծածկույթ) - 80 х 48 մ
|
|
| ||
| Հյուրերի հանդերձարան | VIP-օթյակ | Համերգասրահ |
Տարողություն խմբագրել
- Մարզադաշտի ընդհանուր տարողություն՝ 6248 նստատեղ
Որից՝
- Արևմտյան տրիբունա՝ 1674 նստատեղ (այդ թվում`սովորական հանդիսատեսի համար 1612 նստատեղ, հրավիրված vip-անձնաց համար 16 նստատեղ, 84 նստատեղ հաշմանդամների համար, 16 նստատեղ լրագրողների, 34 նստատեղ երկրորդ հարկի vip-օթյակում)։
- Արևելյան տրիբունա՝ 2010 նստատեղ
- Հյուսիսային տրիբունա՝ 1240 նստատեղ
- Հարավայի տրիբունա՝ 1240 նստատեղ
|
|
| ||
| Արևելյան տրիբունա | Հյուսիսային տրիբունա | Արևելյան և հարավային տրիբունաներ |
Միջազգային խաղեր խմբագրել
Եվրոգավաթներ խմբագրել
1996 թվականին «Կամազ» մարզադաշտում Ինտերտետո 1996 գավաթի շրջանակներում անցկացվել է երեք խաղ, այդ թվում`կիսաեզրափակիչ[3].
| հունիսի 22 1996 (խմբային փուլ) | |||
| «Կամազ-Չալլի» |
3:0 |  «Լոձ»
| |
| հուլիսի 13 1996 (խմբային փուլ) | |||
| «Կամազ-Չալլի» |
2:2 |  «Սպարտակ»
| |
| հուլիսի 26 1996 (1/2 եզրափակիչ) | |||
| «Կամազ-Չալլի» |
2:0 |  «Գենգամ»
| |
Հանդիպումներ Ռուսաստանի հավաքականի մասնակցությամբ խմբագրել
2012 թվականին «Կամազ» մարզադաշտում տեղի է ունեցել «Մրցակոչ» միջազգային մրցաշարը, որտեղ Ռուսաստանի երկրորդ հավաքականը հանդիպել է Բելգիայի հավաքականի հետ, կազմված 1992-1993 թվականներին ծնված խաղացողներից[4]։
| օգոստոսի 15 2012 | |||
| Ռուսաստան (2) |
4:0 | .svg){kind=small} Բելգիա U-19
| |
Համերգներ և այլ միջոցառումներ խմբագրել
1980-1990-ական թվականներին մարզադաշտն օգտագործվել է զանգվածային սպորտային մրցույթների (սպորտակիադաների), ինչպես նաև էստրադային և ռոք համերգների համար։
Տեղադրություն խմբագրել
Մարզադաշտը գտնվում է Նաբերեժնիե Չելնի քաղաքի Նոր մասում՝ Կենտրոնական շրջանի Մոսկովյան պողոտայում։ Մարզադաշտ կարելի է հասնել հասարակական տրանսպորտով՝ № 6, 7, 8, 10 տրամվայ[5] և № 2, 3, 11 ավտոբուս[6]։
Ծանոթագրություններ խմբագրել
- ↑ «Описание стадиона «КАМАЗ» на официальном сайте РФПЛ». www.rfpl.org. 2015 թ․ հուլիսի 15. Վերցված է 2015 թ․ նոյեմբերի 22-ին.
- ↑ «Каким будет стадион «КАМАЗ»?». www.chelnyltd.ru. 2015 թ․ հուլիսի 15. Վերցված է 2015 թ․ նոյեմբերի 22-ին.
- ↑ «Наши в Европе: «Կամազ»». tatarstansports.ru. 2011 թ․ ապրիլի 29. Արխիվացված է օրիգինալից 2015 թ․ նոյեմբերի 22-ին. Վերցված է 2015 թ․ նոյեմբերի 22-ին.
- ↑ «Матч Россия - Бельгия в Набережных Челнах». www.business-gazeta.ru. 2012 թ․ օգոստոսի 16. Արխիվացված է օրիգինալից 2012 թ․ հոկտեմբերի 24-ին. Վերցված է 2012 թ․ հոկտեմբերի 1-ին.
- ↑ «Схемы трамвайных маршрутов». chelnytram.ru. 2015 թ․ նոյեմբերի 22. Վերցված է 2015 թ․ նոյեմբերի 22-ին.
- ↑ «Схемы автобусных маршрутов». chelnytram.ru. 2015 թ․ նոյեմբերի 22. Արխիվացված է օրիգինալից 2015 թ․ նոյեմբերի 22-ին. Վերցված է 2015 թ․ նոյեմբերի 22-ին.
Արտաքին հղումներ խմբագրել
- Стадион «КАМАЗ» на официальном сайте РФПЛ (до реконструкции)
- Стадион «КАМАЗ»: история в фотографиях. 1973-2015
- Стадион «КАМАЗ» Արխիվացված 2013-10-02 Wayback Machine на сайте fratria.ru (до реконструкции)
- Стадион «КАМАЗ» на сайте sportbox.ru (до реконструкции)