Կալմիկական տավար

Կալմիկական տավար, մսատու ցեղ։ Բուծել են կալմիկները մոտ 350 տարի առաջ՝ Մոնղոլիայից բերված տավարի կատարելագործման միջոցով։

Կալմիկական ցեղի եզ (1896)

Ունի ամուր մարմնակազմվածք, իրանը միջին չափերի է, կրծքավանդակը՝ լայն և խոր, մնդավը՝ լայն, մեջքը՝ ուղիղ, ոտքերը՝ ամուր և չոր։ Գույնը կարմիր է (տարբեր երանգներով, երբեմն՝ սպիտակ բծերով), հազվադեպ՝ շիկագույն և գորշ խայտաճամուկ։ Ցուլերի կենդանի բաշը 600-800 կգ է, կովերինը՝ 420-450։

Կերի նկատմամբ պահանջկոտ չէ, հարմարված է Կովկասի արոտային պայմաններին։ Վաղահաս է. 1, 5 տարեկան ցլիկների կենդանի քաշը 450-550 կգ է, իսկ ամորձատվածներինը՝ 380-420 կգ։ Սպանդային ելքը՝ 57-60%։ Միսը բարձրորակ է։ Կովերի միջին կաթնատվությունը 650-1000 կգ է, կաթի յուղայնությունը՝ 4, 2-4, 4%։

Բուծվում է Ռուսաստանի Դաշնության Կալմիկիայի, Բուրյաթիայի, Ռոստովի և Աստրախանի շրջաններում, ինչպես նաև Ղազախստանում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 181)։