Վիքիպեդիա

Կալամին (դեղ)

Կալամին, (հայտնի է նաև որպես կալամինի լոսյոն), դեղորայք, որն օգտագործվում է մեղմ քորի բուժման նպատակով[1][2]։ Այն ներառում է արևային այրվածքները, միջատների խայթոցները, կաղնու, բաղեղի թույներից կամ այլ գործոններից առաջացած մեղմ մաշկային հիվանդությունները[3][4]։ Այն կարող է օգնել չեզոքացնել մաշկի գրգռումը[5]։ Այն կիրառվում է մաշկային ծածկույթներին որպես կրեմ կամ լոսյոն[1]։

Կալամին
Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)

Որպես կողմնակի ազդեցություն կարող է դրսևորվել մաշկի գրգռումը[3]։ Այն համարվում է անվտանգ հղիության ընթացքում[3]։ Կալամինը ցինկի օքսիդի և 0,5% երկաթի օքսիդի () համադրություն է[6]։ Լոսյոնը արտադրվում է լրացուցիչ բաղադրիչներով, ինչպիսիք են ֆենոլը և կալցիումի հիդրօքսիդը[6][7]։

Կալամինի լոսյոնը օգտագործվել է դեռևս մ․թ․ա․ 1500 թվականին[8]։ Այն ներառված է Առողջապահության Համաշխարհային Կազմակերպության առաջին անհրաժեշտության դեղերի ցանկում՝ ամենաանվտանգ և ամենաարդյունավետ դեղամիջոցներ, որոնք անհրաժեշտ են առողջապահական համակարգում[9]։ Կալամինը հասանելի է առանց դեղատոմսի որպես ընդհանուր դեղամիջոց[4]։ Զարգացող երկրներում մեծածախ վաճառքի արժեքը կազմում է 0,25-3,85 ԱՄ$ 100 մլ-անոց շշի համար[10]։ Մեծ Բրիտանիայում այն Առողջապահության Ազգային ծառայության համար արժե 0,44 ֆունտ[1]։

Բժշկական կիրառում խմբագրել

Կալամինը կիրառվում է քորի բուժման համար[1]։ Այն ներառում է արևային այրվածքները, միջատների խայթոցները կամ այլ մաշկային մեղմ հիվանդություններ[4]։

Կողմնակի ազդեցություններ խմբագրել

Հնարավոր կողմնակի ազդեցություններից ամենահաճախ հանդիպող մաշկի գրգռումն է։ Այլ ավելի հազվադեպ հանդիպող կողմնակի ազդեցություններից են դեմքի, կոկորդի, լեզվի այտուցը, շնչառության դժվարացումը, կարմրությունը, ցանավորումը և քորը[11]։ Հղիության ժամանակ կալամինի կողմնակի ազդեցություններն ուսումնասիրող հետազոտություններ չեն կատարվել, սակայն երկար տարիներ հղիների կողմից այն կիրառվել է և որևէ լուրջ ազդեցություն չի նկարագրվել[12]։

ԱՄՆ-ի Սննդամթերքի և Դեղորայքի վարչություն խմբագրել

1992 թվականի մամլո հաղորդագրությունով ԱՄՆ-ի Սննդամթերքի և Դեղորայքի վարչությունը հայտարարեց,որ չի ներկայացվել ոչ մի ապացույց,որ Կալամինը արդյունավետ է միջատների խայթոցից առաջացած մաշկի գրգռվածության բուժման համար,կամ առհասարակ խայթոցների[13]։ Չկան ապացույցներ նաև կաղնուց, բաղեղից առաջացած քորի բուժման վերաբերյալ։

2008 թվականի սեպտեմբերի 2-ի փաստաթղթում ԱՄՆ-ի Սննդամթերքի և Դեղորայքի վարչությունը խորհուրդ տվեց կիրառել առանց դեղատոմսի որոշ արդիական ապրանքատեսակներ նախատեսված մաշկի խնամքի համար,ինչպիսին է Կալամինը։ Այն կլանում է թունավոր բույսերի կողմից առաջացած մաշկի խոնավությունը,ինչպիսիք են թունավոր բաղեղը,կաղնին։ Այս բույսերից առաջացած ցավի կամ քորի մեղմացման համար նույն փաստաթութը խորհուրդ է տալիս սառը ջրով թրջոցներ և արդիական կորտիկոստերոիդներ[14]։

Ծանոթագրություններ խմբագրել

  1. ↑ 1,0 1,1 1,2 1,3 British national formulary : BNF 69 (69 ed.). British Medical Association. 2015. էջ 801. ISBN 9780857111562.
  2. ↑ World Health Organization (2009). Stuart MC, Kouimtzi M, Hill SR (eds.). WHO Model Formulary 2008. World Health Organization. էջ 303. hdl:10665/44053. ISBN 9789241547659.
  3. ↑ 3,0 3,1 3,2 «Aqueous Calamine Cream BP - Summary of Product Characteristics (SPC) - (eMC)». www.medicines.org.uk. 2016 թ․ նոյեմբերի 18. Արխիվացված օրիգինալից 2016 թ․ դեկտեմբերի 30-ին. Վերցված է 2016 թ․ դեկտեմբերի 29-ին.
  4. ↑ 4,0 4,1 4,2 Hamilton, Richart (2015). Tarascon Pocket Pharmacopoeia 2015 Deluxe Lab-Coat Edition. Jones & Bartlett Learning. էջ 191. ISBN 9781284057560.
  5. ↑ «Calamine (topical) medical facts from Drugs.com». www.drugs.com. Արխիվացված օրիգինալից 2017 թ․ նոյեմբերի 7-ին. Վերցված է 2020 թ․ փետրվարի 4-ին.
  6. ↑ 6,0 6,1 Braun-Falco, Otto; Plewig, Gerd; Wolff, Helmut Heinrich; Burgdorf, Walter (2012). Dermatology (անգլերեն) (2 ed.). Springer Science & Business Media. էջ 1724. ISBN 9783642979316. Արխիվացված օրիգինալից 2016 թ․ դեկտեմբերի 29-ին.
  7. ↑ Ma, Joseph K. H.; Hadzija, Boka (2012). Basic Physical Pharmacy (անգլերեն). Jones & Bartlett Publishers. էջ 327. ISBN 9780763757342. Արխիվացված օրիգինալից 2016 թ․ դեկտեմբերի 30-ին.
  8. ↑ Bendich, Adrianne; Deckelbaum, Richard J. (2016). Preventive Nutrition: The Comprehensive Guide for Health Professionals (անգլերեն) (5 ed.). Springer. էջ 608. ISBN 9783319224312. Արխիվացված օրիգինալից 2016 թ․ դեկտեմբերի 30-ին.
  9. ↑ World Health Organization (2019). World Health Organization model list of essential medicines: 21st list 2019. Geneva: World Health Organization. hdl:10665/325771. WHO/MVP/EMP/IAU/2019.06. License: CC BY-NC-SA 3.0 IGO.
  10. ↑ «Calamine». International Drug Price Indicator Guide. Վերցված է 2016 թ․ դեկտեմբերի 8-ին.
  11. ↑ «Calamine topical Side Effects: Common, Severe, Long Term». Drugs.com (անգլերեն). Վերցված է 2020 թ․ փետրվարի 4-ին.
  12. ↑ «Calamine Lotion BP - Summary of Product Characteristics (SmPC) - (emc)». www.medicines.org.uk. Վերցված է 2020 թ․ փետրվարի 4-ին.
  13. ↑ «Banning 415 Ingredients from Seven Categories of NonPrescription Drugs». Press Release. FDA. P92-27. Արխիվացված է օրիգինալից 2009 թ․ մայիսի 13-ին.
  14. ↑ September 2, 2008 FDA Document Արխիվացված Հուլիս 16, 2010 Wayback Machine
Ստացված է «https://hy.wikipedia.org/w/index.php?title=Կալամին_(դեղ)&oldid=9389865» էջից