Լև Ասլան Դերմեն
Լևոն Թերմենջյան (), ամերիկաբնակ հայ գործարար, «NOIL Energy Group» վառելիքային ընկերության նախկին սեփականատեր[1], Լոս Անջելեսում հայկական մաֆիայի նախկին պարագլուխ[2]։ Նա 2023 թվականին դատապարտվել է 40 տարվա ազատազրկման՝ ավելի քան 1 մլրդ դոլարի խաբեության սխեմայում իր դերի համար։
| Լև Ասլան Դերմեն | |
|---|---|
| Քաղաքացիություն |  ԱՄՆ |
| Մասնագիտություն | գործարար |
Գործունեություն խմբագրել
Թերմենջյանը հանդիսացել է SBK Holdings USA անվամբ ընկերության սեփականատերը, որը SBK Holding ընկերության քույր ընկերությունն է Թուրքիայում։ Նա սերտ կապերի մեջ է եղել Թուրքիայի բարձրաստիճան պաշտոնյաների, իսկ իր հանցավոր սխեմայում ընդգրկված Ջեյկոբ Քինգսթոնը՝ նաև Թուրքիայի վարչապետ Ռեջեփ Թայիփ Էրդողանի հետ։
Թերմենջյանը և Քինգսթոն կլանի անդամները միլիոնավոր դոլարների ներդրումներ են կատարել Թուրքիայի բոլոր տեսակի ոլորտներում, այդ թվում՝ դեղագործական, ավտոմոբիլային, քիմիական, տեխնոլոգիական, ապակու և սննդի ոլորտներում։
Քրեական գործ խմբագրել
Թերմենջյանը 1993 թվականին ԱՄՆ-ում ձերբակալվել է գազի հարկերի խարդախության համար։ Նրան մեղադրանք է առաջադրվել նաև հարկային կեղծարարության և զինված հարձակման համար, իսկ 2013 թվականին դատապարտվել է նաև ծեծկռտուքի համար։
Դերմենը 2010-2018 թվականներին Քինգսթոն կլանի տարբեր անդամների հետ դավադրություն է կազմակերպել՝ խաբեությամբ ավելի քան 1 միլիարդ դոլարի վերականգնվող վառելիքի հարկային արտոնություններ ստանալու համար[3]։
40 տարվա բանտարկությունից բացի, Դերմենին հանձնարարվել է ԱՄՆ ներքին եկամուտների վարչությանը վճարել 442 615 520 ԱՄՆ դոլար փոխհատուցում և տուգանք ավելի քան 181 միլիոն դոլարի չափով։
Ծանոթագրություններ խմբագրել
- ↑ «Էրդողանի հետ կապված մեկ այլ խոշոր կոռուպցիոն սկանդալ՝ այս անգամ Միացյալ Նահանգներում».
- ↑ «Հայկական մաֆիայի նախկին պարագլխին 40 տարվա ազատազրկման են դատապարտել ԱՄՆ պատմության մեջ ամենահանդուգն խարդախության համար». news.am. 2024 թ․ փետրվարի 19. Վերցված է 2024 թ․ փետրվարի 19-ին.
- ↑ «Ձերբակալվել է ՀԴԲ նախկին գործակալ, որը մեղադրվում է հայկական կազմակերպված հանցավոր խմբի ներկայացուցչի փաստաբանից կաշառք ստանալու մեջ». Hetq.am. 2020 թ․ ապրիլի 27. Վերցված է 2024 թ․ փետրվարի 19-ին.