Լուսիկ Դեմուրյան
հայ բժիշկ
Լուսիկ Ստեփանի Դեմուրյան (1920, Թբիլիսի -), հայ բժիշկ։ ԽՄԿԿ անդամ՝ 1945 թվականից։
Ծնվել է | 1920 |
---|---|
Ծննդավայր | Թբիլիսի |
Ազգություն | հայ |
Կրթություն | Երևանի Մխիթար Հերացու անվան Պետական Բժշկական Համալսարան (1941) |
Մասնագիտություն | բժիշկ |
Կուսակցություն | ԽՄԿԿ |
Կենսագրություն խմբագրել
Սովորել է Խ. Աբովյանի անվան միջնակարգ դպրոցում։ 1941 թվականին ավարտել է Երևանի բժշկական ինստիտուտը և ուղարկվել աշխատելու Էջմիածնի տրոպիկական կայանում, որտեղ երկար չի մնացել։ Մասնագիտանալով ականջ-քիթ-կոկորդ հիվանդությունների գծով՝ տեղափոխվել է Երևան (1943) և օրդինատոր աշխատել № 3694 էվակուհոսպիտալում։ Նշված մասնագիտությամբ էլ նույն տեղում աշխատել է մինչև պատերազմի վերջը։
Բավականաչափ երկար (1945-1979) աշխատել է Երևանի երկրորդ կլինիկական հիվանդանոցում, ապա տեղափոխվել կենտրոնական ուսանողական պոլիկլինիկա[1]։
Ծանոթագրություններ խմբագրել
- ↑ Ա. Վ. Գրիգորյան, Բ. Գ. Մելքումյան, Հայաստանի բժիշկները Մեծ հայրենականում, գիրք 2, Ե., 1987, էջ 76-77։