Լիլիթ Հարությունյան
Լիլիթ Հարությունյան (ապրիլի 4, 1993[1], Գյումրի, Հայկական ԽՍՀ, ԽՍՀՄ), հայ աթլետ (վազք), Հայաստանի բազմակի չեմպիոն, Ռիո դե Ժանեյրոյի Ամառային օլիմպիական խաղերի մասնակից (2016)։
| Լիլիթ Հարությունյան | |
|---|---|
| Անձնական տեղեկություն | |
| Սեռ՝ | իգական |
| Ազգություն՝ | հայ |
| Մասնագիտացում՝ | աթլետիկա |
| Երկիր՝ |  Հայաստան |
| Ծննդյան ամսաթիվ՝ | ապրիլի 4, 1993[1] (31 տարեկան) |
| Ծննդավայր՝ | Գյումրի, Հայկական ԽՍՀ, ԽՍՀՄ |
| Մարզիչ(ներ)՝ | Արթուր Ղազարյան |
| 1.64 մ | |
Կենսագրություն խմբագրել
Ծնվել է 1993 թվականի ապրիլի 4-ին Գյումրիում։ Ամուսնացած է, ունի 1 դուստր և 1 որդի։ Անձնական մարզիչն ամուսինն է՝ Արթուր Ղազարյանը։ Աթլետիկայով սկսել է զբաղվել դպրոցական տարիներին, երբ ընդամենը 14 տարեկան էր։ Մարզվում է Վանաձորում։ Օլիմպիական խաղերի ուղեգիրը նվաճել է Արտաշատում կայացած Հայաստանի առաջնությունում։ Հայաստանի բազմակի չեմպիոն է, սպորտի վարպետ, Համահայկական խաղերի եռակի չեմպիոն։ Բալկանյան երկրների առաջնությունում 800 մետր վազքատարածքում լրացրել է սպորտի վարպետի նորմա և սահմանել Հայաստանի ռեկորդ։ Ռիո-2016 օլիմպիական ուղեգիր է նվաճել Հայաստանի առաջնությունում օլիմպիական նորմատիվ լրացնելու շնորհիվ[2][3]։
Ծանոթագրություններ խմբագրել
- ↑ 1,0 1,1 World Athletics database
- ↑ «Ռիո-2016. Հայաստանի օլիմպիականները. Լիլիթ Հարությունյան, Դիանա Խուբեսերյան, Ամալյա Շառոյան (ֆոտո) | NEWS.am Sport - Ամենը՝ սպորտի մասին». sport.news.am. Վերցված է 2017 թ․ հունվարի 28-ին.
- ↑ «Վազորդ Լիլիթ Հարությունյան. աղջիկս ասում է. «Մամա՛, արագ վազիր»». Armtimes.com. Վերցված է 2017 թ․ հունվարի 28-ին.