Լեոնիդ Կրասնորեչև

Լեոնիդ Եգորովիչ Կրասնորեչև (ռուս.՝ Леонид Егорович Красноречьев, հոկտեմբերի 25, 1932(1932-10-25), Սելիժարովսկի շրջան, Արևմտյան մարզ, ՌԽՖՍՀ, ԽՍՀՄ - մայիսի 4, 2013(2013-05-04), Մեծ Նովգորոդ, Ռուսաստան), ռուս ճարտարապետ-ռեստավրատոր (բարձրագույն բկատեգորիայի), Նովգորոդի երկրամասի քարե և փայտե ճարտարապետության խոշորագույն գիտակներից մեկը, Մեծ Նովգորոդում «Վիտոսլավլիցի» փայտե ճարտարապետության թանգարանի հիմնադիր։

Լեոնիդ Կրասնորեչև ռուս.՝ Леонид Егорович Красноречьев
Ծնվել է	հոկտեմբերի 25, 1932(1932-10-25) Սելիժարովսկի շրջան, Արևմտյան մարզ, ՌԽՖՍՀ, ԽՍՀՄ
Մահացել է	մայիսի 4, 2013(2013-05-04) (80 տարեկան) Մեծ Նովգորոդ, Ռուսաստան
Քաղաքացիություն	ԽՍՀՄ և  Ռուսաստան
Մասնագիտություն	վերականգնող և ճարտարապետ
Տիրապետում է լեզուներին	ռուսերեն
Պարգևներ

ՌԽՖՍՀ մշակույթի վաստակավոր աշխատող, Մեծ Նովգորոդի պատվավոր քաղաքացի (1998), գրականության և արվեստի բնագավառում Ռուսաստանի Դաշնության երկու պետական մրցանակների դափնեկիր (1996 և 2004)։

Կենսագրություն

Լեոնիդ Կրասնորեչևը ծնվել է 1932 թվականի հոկտեմբերի 25-ին։ 1950 թվականին ավարտել է Լենինգրադի ճարտարապետական տեխնիկումը, որից հետո ապրել և աշխատել է Նովգորոդում։

1950 թվականից մինչև 1985 թվականն աշխատել է Նովգորոդ քաղաքում՝ Հատուկ գիտա-վերականգնողական արտադրական արհեստանոցում։ Սկսելով աշխատել որպես տեխնիկ-ճարտարապետ՝ Կրասնորեևչը արագ դարձել է առաջատար ճարտարապետ վերականգնման արհեստանոցում։

1985 թվականից մինչև 1998 թվականը եղել է Նովգորոդի պետական արգելոց-թանգարանի առաջատար գիտաշխատող։

Հետագայում դարձել է «Վիտոսլավլիցի» թանգարանի առաջատար գիտաշխատող։ Մահացել է 2013 թվականի մայիսի 4-ին։ Թաղված է Մեծ Նովգորոդի Արևմտյան գերեզմանատանը։

Ստեղծագործական նվաճումներ

Լեոնիդ Կրասնորեչևի նախագծով իրականացվել են Մեծ Նովգորոդի և Նովգորոդի մարզի ճարտարապետական հուշարձանների վերականգնումը, որոնց թվում են 12-17-րդ դարերի այնպիսի հայտնի հուշարձաններ, ինչպիսիք են․

• Սուրբ Մարիամ Աստվածածնի եկեղեցին Պերին կղզում,
• Պոկրովսկի եկեղեցին և աշտարակը Նովգորոդի Կրեմլում,
• Տասներկու Առաքյալների, Հարության և Հովհաննես Ողորմածի եկեղեցիները Մյաչինում, Փրկչի եկեղեցին Կովալյովում, Տիրամոր Սուրբ Ծնունդի եկեղեցին Մոլոտկովում,
• Անտոնիևի և Կլոպսկի վանքերի տաճարները,
• Հարության տաճարը Հին Ռուսայում,
• Վյաժիշսկի վանքի անսամբլը Նովգորոդի մոտ և Իվերսկի վանքինը Վալդայում և այլն։

Զբաղվելով Պատմական հետազոտություններով, պեղումներով, ինժեներական հաշվարկներով, գրաֆիկայով՝ կատարել է 70 ճարտարապետական հուշարձանների հետազոտություն և վերականգնում։

Հրապարակումներ

• Красноречьев Л. Е., Тынтарева Л. Я. «… Как мера и красота скажут»: Памятники древнего деревянного зодчества Новгородской области / Худож. Г. В. Ковенчук. — Л.: Лениздат, 1971. — 96 с. — 60 000 экз.
• Истомина Э. Г., Красноречьев Л. Е. Иверское чудо / Худож. И. М. Сенский. — Л.: Лениздат, 1982. — 48 с. — 50 000 экз.

Արտաքին հղումներ

• Лауреаты Государственных премий Российской Федерации 2004 года — Красноречьев Леонид Егорович, Кузьмина Нинель Николаевна
• Красноречьев Леонид Егорович Արխիվացված 2019-01-14 Wayback Machine