Լեմմոն լեռան աստղադիտարան

Լեմմոն լեռան աստղադիտարան, ԱՄՆ֊ի Արիզոնա նահանգի Թուսոն քաղաքից հյուսիս֊արևելք ձգվող Սանտա Կատալինա լեռնաշղթայի Լեմմոն լեռան վրա գտնվող աստղադիտարան։ Տարածքը օգտագործվում է ԱՄՆ-ի Անտառային պահպանման ծառայության կողմից տրամադրված հատուկ թույլտվությամբ և ունի ինքնուրույն օգտագործման մի քանի հեռադիտակ։

Լեմմոն լեռան աստղադիտարան Mount Lemmon Observatory
Տեսակ	աստղագիտական ​​աստղադիտարան
Մասն է	Steward Observatory?
Կազմակերպություն	Ստյուարդ աստղադիտարան
Աստղադիտարանի կոդ	G84
Երկիր	ԱՄՆ
Տարածքաշրջան	Mount Lemmon?
Վայր	Լեմմոն լեռ,Արիզոնա
Հիմնադրվել է՝	1970
Կայք	Steward Observatory
32°26′31″ հս․. լ. 110°47′21″ ամ. ե.
Mount Lemmon Observatory Վիքիպահեստում

Պատմություն

Տեղանքն առաջին անգամ սկսել է օգտագործվել 1954 թվականին՝ որպես Լեմմոն լեռան օդային կայան, որ տեղորոշում էր ռադիոսարքեր «Օդային պաշտպանության ծառայության» ենթակայության տակ։ 1970 թվականին կայանը փոխանցվում է Արիզոնայի համալսարանի Ստյուարդ աստղադիտարանին և վերափոխվում ինֆրակարմիր աստղագիտություն ուսումնասիրող աստղադիտարանի։

Հեռադիտակներ

• 1.52 m (60 in) Ստյուարդ հեռադիտակ, ռեֆլեկտոր, որ օգտագործվում է «Կատալինայի երկնքի ուսումնասիրության» մաս կազմող «Լեմմոն լեռան ուսումնասիրության» նախագծում։ Ստեղծվել է 1960-ականների վերջին և առաջին անգամ տեղադրվել Բիգելոու լեռան վրա տեղակայված «Կատալինա» կայանում։ Լեմմոն լեռ տեղափոխվել է 1972 թվականին, իսկ ներկայիս տեղում տեղադրվել է 1975 թվականին։ Հայելին սկզբում մետաղական էր և լավ չէր գործում, մինչև որ 1977 թվականին այն փոխարինվեց ապակիով։ Օգտագործվում է նաև ուսումնական նպատակներով։ Հայտնաբերել է 2011 AG5 աստերոիդը։
• 1.52 m (60 in) Դալ֊Կիրխամ ինֆրակարմիր հեռադիտակ, որ սկսել է գործել 1970 թվականից։ Կառուցվածքը հիմնականում նման է Ստյուարդ հեռադիտակի կառուցվածքին։
• 0.81 m (32 in) Շուլման հեռադիտակ, տեղադրվել է 2010 թվականի սեպտեմբերին։ Արիզոնայի ամենամեծ հանրամատչելի հեռադիտակն է։
• 0.5 m (20 in) Ջեմիեսոն հեռադիտակ, գործարկվել է 2005 թվականին։

Ուսումնասիրության ոլորտներ

• Ինֆրակարմիր աստղագիտություն
• Գիսաստղերի մշտադիտարկում և նոր հայտնված աստղերի ուսումնասիրություն
• Մերձերկրյա աստերոիդների տեղորոշում

Արտաքին հղումներ

• University of Arizona Steward Observatory - official site
• Mount Lemmon SkyCenter - official site
• Mt. Lemmon Observatory Clear Sky Clock Forecasts of observing conditions.