Իվան Կռիլովի հուշարձան (Մոսկվա)

Իվան Կռիլովի հուշարձան (ռուս.՝ Памятник Ивану Крылову), հուշարձան Ռուսաստանի Դաշնության մայրաքաղաք Մոսկվայում, որը նվիրված է ռուս բանաստեղծ, առակագիր, թարգմանիչ Իվան Անդրեևիչ Կռիլովին։ Տեղադրված է Հայրապետական լճակների մոտ՝ Մալայա Բրոննայա փողոցում։

Picto infobox architecture.png
Իվան Կռիլովի հուշարձան
Памятник Крылову - panoramio.jpg
Իվան Կռիլովի հուշարձանը
Կոորդինատներ55°45′51″ հս․ լ. 37°35′28″ ավ. ե.HGЯO
Գտնվում էՌուսաստան Ռուսաստան
Մոսկվա
Կառուցվել է1976
Շինության ձևըՔանդակ
Կառուցել էԱնդրեյ Դրևին
Ներկա վիճակըԿանգուն

ՊատմությունԽմբագրել

Իվան Կռիլովի հուշարձանի հեղինակներն են քանդակագործ Անդրեյ Ալեքսանդրովիչ Դրևինը (1921-1996) և ճարտարապետ Արմեն Չալտիկյանը (1937-1994)։ Հուշարձանը բացվել է 1976 թվականի սեպտեմբերի 17-ին։

Առակագիրը պատկերված է զբոսայգու նստարանին նստած։ Իվան Կռիլովը ցույց է տրված այնպես, ինչպես նկարագրում են նրա ժամանակակիցները՝ հագնված փոքր-ինչ թափթփված, ծույլ, ֆլեգմատիկ և բարեհոգի մարդ։ Կռիլովի պատկերաքանդակն ունի դիմանկարային նմանություն գրողի հետ, տեղադրված է լայն և ցածր գրանիտե պատվանդանին, որի վրա արված է պարզ մակագրություն. «Իվան Անդրեևիչ Կռիլով»։

Քանդակագործական հորինվածքը ներառում է նաև Ի. Ա. Կռիլովի 12 առակների հերոսների բարձրաքանդակները։ Դրանց հեղինակն է քանդակագործ Դանիել Միտլյանսկին։ Բարձրաքանդակները գտնվում Կռիլովի քանդակից որոշակի հեռավորության վրա։ Պատկերված են քառյակի երաժիշտները (Կապիկը, Էշը, Այծը և ծուռթաթ Արջուկը), Փիղն ու Մոսկան, ակնոցով Կապիկը, Ագռավն ու Աղվեսը և այլն։ Արձանի շուրջ տեղադրվել են դեպի լճակը նայող նստարաններ։

Կռիլովի և նրա առակների հերոսների հուշարձանը պարբերաբար վերանորոգվում է[1]։

ՊատկերասրահԽմբագրել

ԾանոթագրություններԽմբագրել

  1. «На Патриарших прудах реставрируют памятник Ивану Крылову»։ РИА Новости, Центральный округ։ Վերցված է 2005-07-08 (չաշխատող հղում)

ԱղբյուրներԽմբագրել