Թաթուլ (անձնանուն)
արական անձնանուն
Անվան այլ կիրառումների համար տե՛ս՝ Թաթուլ (այլ կիրառումներ)
Թաթուլ, հայկական արական անուն։ Առաջացել է հայերեն թաթուլ՝ «անասունների առջևի թաթը» բառից։ Թաթ անվան փաղաքշական ձևն է։ Սկսել է գործածվել 5-րդ դարից[1]։
| Թաթուլ Թաթուլ | |
|---|---|
| Տեսակ | արական անձնանուն |
| Սեռ | արական |
| Նշանակություն | անասունների առջևի թաթ |
| Ծագում | |
| Ծագման լեզու | հայերեն |
| Գիր | Հայոց գրեր |
| Անվան այլ ձևեր | |
| Կապված անուններ | Թաթ |
| Կապված հոդվածներ | «Թաթուլ» սկսվող էջեր |
Գործածություններ խմբագրել
- Թաթուլ եպիսկոպոս Տարոնի, Մեծն Ներսեսի ուղեկիցներից մեկը, երբ նա 353 թվականին գնում էր Կեսարիա՝ կաթողիկոս օծվելու[2]։
- Թաթուլ Վանանդեցի, ով 451 թվականին մասնակցել է Վարդանանց պատերազմին[3]։
- Թաթուլ Կամսարական, Հազկերտ Բ-ի բանտարկած նախարարներից մեկը (452 թ)[4]։
- Թաթուլ Դիմաքսյան, ով 451 թվականին մասնակցել է Վարդանանց պատերազմին, որից հետո բանտարկվել է Պարսկաստանում 12 տարի և ապա արզատ արձակվելով՝ 462 թվականին վերադառնում է Հայաստան[5]։
- Թաթուլ ճգնավոր, իր եղբոր՝ Վարոսի և իր աշակերտ՝ Թումայի հետ ճգնում էր Վարդանանց պատերազմից հետո, Գյուտ կաթողիկոսի ժամանակ (461-478 թթ.)[6]:
- Թաթուլ եպիսկոպոս Արշարունյաց (Կամսարականաց), ժամանակակից է Բաբկեն կաթողիկոսին (490-516 թթ.), ով ստորագրում է այն թուղթը, որը գրել է Բաբկենը Պարսկաստանի ուղղափառներին։ Ըստ Այրարատ 56 բ տախտակի՝ հաջորդել է Հովհան եպիսկոպոսին, գահակալել 9 տարի, և իրեն էլ հաջորդել է Թովմա եպիսկոպոսը[7]։
- Թաթուլ, իշխան կամ հարկահան, ով 1018 թվականին ներել է Տեկորի հարկերը[8]։
- Թաթուլ, սպարապետ Կարուց Գագիկ թագավորի[9][10]։
- Թաթուլ, իշխան էր նշանակված Հունաց կողմից Մարաշում[11]։
- Թաթուլ, որդի Պարոնշահի, ով 1329 թվականին գրել տվեց մի Ավետարան[12]։
- Թաթուլ, մերձավոր Կարապետ գրչի, ով 1357 թվականին մահտեսի Խնդուի համար ընդօրինակեց Ավետարանը[13]։
- Թաթուլ, ազգական Կիրակոս քահանայի, ով 1404 թվականին Դանիել սարկավագին գրել տվեց մի Մաշտոց[14]։
Ծանոթագրություններ խմբագրել
- ↑ Հրաչյա Աճառյան, Հայոց Անձնանունների Բառարան, հ. Բ, Երևան, «Երևանի պետական համալսարանի հրատարակություն», 1944, էջ 257-259 — 682 էջ։
- ↑ Մեսր․ եր․ 26
- ↑ Եղիշ․ 90
- ↑ Եղիշ․ 150
- ↑ Եղիշ․ 77, 150
- ↑ Ասոզ․ Բ․ բ․ Վրդ․ իը․ Յայսմ․ սեպտեմբեր 30
- ↑ Տաշեան, Ցուց․ 656
- ↑ Շիրակ 134
- ↑ Լաստ․ ժզ․
- ↑ Չամչ․ Բ․ 955
- ↑ Սիսուան 546 բ
- ↑ Ձեռագիր Վասպուրական 179
- ↑ Ձեռագիր Վասպուրական, էջ 217
- ↑ Թորոս աղբար, Բ․ 277