Թաթուլ Հակոբյան (պետական գործիչ)
Անվան այլ կիրառումների համար տե՛ս՝ Թաթուլ Հակոբյան (այլ կիրառումներ)- Վիքիպեդիայում կան հոդվածներ Հակոբյան ազգանունով այլ մարդկանց մասին։
Թաթուլ Երվանդի Հակոբյան (ծնվ. 23 մարտի 1963 թ., ք. Սիսիան), ՀՀ պետական և առողջապահության ոլորտի գործիչ
| Թաթուլ Հակոբյան | |
|---|---|
| Ծնվել է | ապրիլի 29, 1963 (60 տարեկան) |
| Ծննդավայր | Սիսիան, Հայկական ԽՍՀ, ԽՍՀՄ |
| Կրթություն | Երևանի Մխիթար Հերացու անվան Պետական Բժշկական Համալսարան |
Կրթություն խմբագրել
- 1980 թ. գերազանցությամբ ավարտել է Սիսիանի թիվ 3 միջնակարգ դպրոցը։
- 1980-1985 թթ. - սովորել և ավարտել է Երևանի պետական բժշկական ինստիտուտի դեղագիտության ֆակուլտետը՝ պրովիզորի որակավորմամբ։
- 1992-1994 թթ. - սովորել և ավարտել է Հայաստանի ամերիկյան համալսարանի գործարար կառավարման ֆակուլտետը՝ ստանալով գործարար կառավարման մագիստրոսի կոչում։
- 1995-1997 թթ. - սովորել և ավարտել է Հայաստանի ամերիկյան համալսարանի հանրային առողջապահության ֆակուլտետը՝ ստանալով հանրային առողջապահության մագիստրոսի կոչում։
- Վերապատրաստվել է առողջապահության կազմակերպման գծով Հունաստանում և Իսրայելում։
Աշխատանքային գործունեությունը խմբագրել
- 1985-1995 թթ. - աշխատել է որպես տնօրեն Երևան, Արտաշատ և Սիսիան քաղաքի և շրջանների մի շարք դեղատներում։
- 1995-1996 թթ. - ՀՀ Էկոնոմիկայի նախարարության սոցիալ-առողջապահական քաղաքականության բաժնի գլխավոր մասնագետ։
- 1996-1999 թթ. - «Միավորված մեթոդիստների օգնության կոմիտե» ԱՄՆ հասարակական կազմակերպությունում որպես բժշկական մշտադիտարկող, առողջապահական ծրագրի ղեկավար, ապա՝ բժշկական համակարգող։
- 1998 թ. - Եվրամիության «Տասիս» ծրագրի առողջապահության քաղաքականության հարցերով անկախ փորձագետ։
- 1999-2000 թթ. - ՀՀ առողջապահության նախարարության առողջապահության ապահովման գլխավոր վարչության պետ, Առողջապահության քաղաքականության վարչության պետ
- 2000-2002 թթ. - Ամերիկյան Abt Associates խորհրդատվական կազմակերպության փորձագետ
- 2002 թ. հուլիսին ՀՀ վարչապետի որոշմամբ նշանակվել է Հայաստանի Հանրապետության առողջապահության նախարարի տեղակալ։
- 2005-2007 թթ. - Առողջապահության համաշխարհային կազմակերպության Եվրոպական տարածաշրջանի շրջակա միջավայրի և առողջապահության կոմիտեի անդամ։
- 2005-2007 թթ. - Իմունիզացիայի և պատվաստանյութերի գլոբալ ալյանսի (GAVI) կառավարման խորհրդի անդամ
- 2010 թ. նոյեմբերի 9-ին ՀՀ վարչապետի որոշմամբ ազատվել է Հայաստանի Հանրապետության առողջապահության նախարարի տեղակալի պաշտոնից՝ իր դիմումի համաձայն[1]։
- 2011-2013 թթ. աշխատել է Առողջապահության Համաշխարհային Կազմակերպության (ԱՀԿ) Եվրոպական տարածաշրջանային գրասենյակում (Կոպենհագեն) որպես խորհրդատու հանրային առողջապահության հարցերով։
- 2013-2016 թթ. Հայաստանի Հանրապետությունում Առողջապահության համաշխարհային կազմակերպություն|Առողջապահության համաշխարհային կազմակերպության]] ներկայացուցիչ։
- 2016-2017 թթ. Ռուսաստանի Դաշնությունում ԱՀԿ ներկայացուցչի տեղակալ
- 2017 թ. հուլիսի 1-ից ԱՀԿ ներկայացուցիչն է Սլովակիայում
- 2018-2019 թթ․ Հայաստանի Հանրապետության կողմից առաջադրվել է ԱՀԿ եվրոպական տարածաշրջանի տնօրենի պաշտոնում։ Թեկնածուներ են առաջադրել նաև Բելգիան, Ավստրիան, Բուլղարիան, Թուրքիան և Վրաստանը։ 2019 թ․ սեպտեմբերին 53 անդամ երկրները այդ պաշտոնում ընտրել են Բելգիայի ներկայացուցչին;
Անկուսակցական է։
Ծանոթագրություններ խմբագրել
- ↑ «ՀԱԿՈԲՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ ՏԵՂԱԿԱԼԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ». Արխիվացված է օրիգինալից 2016 թ․ մարտի 5-ին. Վերցված է 2021 թ․ հունվարի 25-ին.