Էպիզոոտոլոգիա

Էպիզոոտոլոգիա, (էպի… վրա, zoon – կենդանի և … լոգիա), գյուղատնտեսական կենդանիների վարակիչ հիվանդությունների առաջացման, զարգացման և մարման օրինաչափություններն ուսումնասիրող գիտություն։

Մշակում է նաև վարակիչ հիվանդությունների դեմ պայքարի, բուժման և կանխարգելման միջոցառումներ։ Ունի ընդհանուր և մասնավոր բաժիններ։ Ընդհանուրը բացահայտում է հիվանդությունների զարգացման պրոցեսի օրինաչափություններն ու ընդհանուր հարցերը, մշակում դրանց դեմ պայքարի ու վերացման սկզբունքները, իսկ մասնավորը՝ առանձին հիվանդություններին վերաբերող նույն հարցերը։

Տես նաև

• Անասնաբուժություն

Գրականություն

• Բոյախչյան Հ. Բ., Էպիզոոտոլոգիա և միկրոբիոլոգիա, Ե., 1962:
• Ганушкин M.C., Общая эпизоотология, 4 Изд., M., 1961.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 62)։