Էշակսրտի լեռնաշղթա, Էշեկսրտի լեռնաշղթա, Էշեկսիրտի լեռնաշղթա, Էշաքսրտի լեռնաշղթա, լեռնաշղթա Թուրքիայում, Հայկական լեռնաշխարհի հյուսիսում, Ճորոխ լեռնաշղթայի հարավ-արևմտյան կեսն է։ Ձգվում է Բաբերդ քաղաքի մոտից մինչև Չորմայրի լեռնազանգվածը՝ 78 կմ երկար։ Միջին բարձրությունը 2450 մ, առանձին գագաթներինը 1700-2900 մ է։ Կազմված է յուրայի և կավճի հրաբխային ապարներից։ Հարավում լանջերը կարճ են ու զառիթափ, հյուսիս-արևմուտքում և հյուսիսում թույլ թեքությամբ աստիճանաձև իջնում են դեպի Ճորոխ գետը։ Լավ է արտահայտված կլիմայի և հողաբուսական ծածկի ուղղաձիգ գոտիականությունը։ Հունվարի միջին ջերմաստիճանը 0 °C–ից –6 °C է, հուլիսինը՝ 20 °C–ից 10 °C, տարեկան տեղումները՝ 400–800 մմ։ Ծածկված է սաղարթավոր անտառներով, թփուտներով, տափաստանային տարախոտերով։
[1]
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 61)։