Էդվարդ Միրզոյան փողոց (Երևան)
Էդվարդ Միրզոյան փողոց, փողոց Երևանի Կենտրոն վարչական շրջանում։ Անվանվել է հայ կոմպոզիտոր, մանկավարժ, Հայաստանի և ԽՍՀՄ ժողովրդական արտիստ, մշակութային, հասարակական գործիչ Էդվարդ Միրզոյանի պատվին։
| Էդվարդ Միրզոյան փողոց | |
|---|---|
| Քաղաք |  Երևան |
| Համայնք(ներ) | Կենտրոն վարչական շրջան |
| Երկարություն | 176 |
| Սկիզբ | Լեոնիդ Ազգալդյան փողոց |
| Ավարտ | Վերին Անտառային փողոց |
Տվյալներ
խմբագրելՓողոցն սկսվում է Լեոնիդ Ազգալդյան փողոցից, ձգվում հյուսիսարևմտյան ուղղությամբ և ավարտվում Վերին Անտառային փողոցի թիվ 150/17 տան մոտ[1]։ Հատող փողոցներ չունի։ Փողոցի երկարությունը 176 մետր է։
Փողոցն անվանակոչվել է Երևանի ավագանու 2022 թվականի հունիսի 21-ի թիվ 607-Ն որոշմամբ[1]։
Որոշման հիմնավորում
խմբագրելՀաշվի առնելով երաժշտի մեծ ավանդը և ղեկավարվելով «Երևան քաղաքում տեղական ինքնակառավարման մասին» օրենքի 12-րդ հոդվածի 1-ին մասի 23-րդ կետի դրույթներով, ինչպես նաև Հայաստանի Հանրապետության կառավարության 2005 թվականի դեկտեմբերի 29-ի N2387-Ն որոշմամբ հաստատված կարգի 4-րդ կետով՝ Երևանի ավագանին քննարկել է փողոցն անվանափոխելու որոշման նախագիծը[2] և հաստատել[1]։