Երկրապահի օր
Երկրապահի օր, 1993 թվականին ստեղծված[1] Երկրապահ կամավորականների միություն (ԵԿՄ) հասարակական կազմակերպության անդամների՝ երկրապահների օրն է։ Տոնվում է 1997 թվականից յուրաքանչյուր տարվա մայիսի 8-ին[2]։
| Երկրապահի օր | |
|---|---|
 | |
| Տեսակ | տոն |
| Ամսաթիվ | մայիսի 8 |
| Տոնվում է |  Հայաստան |
| Հաստատված | 1993 |
Կայացում խմբագրել
Մայիսի 8-ը, որպես երկրապահի օր նշելու որոշումը կայացվել է Երկրապահ Կամավորականների Միության 3-րդ համագումարում՝ 1997 թվականի նոյեմբերին։ 2001 թվականի հունվարի 6-ին։ Հայաստանի երկրորդ նախագահ Ռոբերտ Քոչարյանը հաստատել է «Հայաստանի հանրապետության տոների եվ հիշատակի օրերի մասին» օրենքը[3], որը 2001 թվականի հուլիսի 24-ին հաստատել է Հայաստանի Ազգային ժողովը։ Այդ որոշմամբ երկրապահի օրն ընդգրկվել է Հայաստանի պետական տոնացույցում[3][4]։
Առաջին պետական տոնակատարության ժամանակ Հայաստանի վարչապետ Անդրանիկ Մարգարյանը շնորհավորական ուղերձ է հղել նաև Երկրապահի օրվա առթիվ, և մասնավորապես ասել է՝
|
Ավելի քան 10 տարի առաջ Երկրապահ կամավորականների շարժումը առաջինն իր վրա կրեց հայրենիքի սահմանների պաշտպանության, երկրի անվտանգության ապահովման ծանր պատասխանատվությունը՝ լուսավոր մի ջահ դառնալով մեր արդար պայքարի ճանապարհին։ Այսօր մենք գլուխ ենք խոնարհում մեր մարտական ընկերների, այն զոհված ազատամարտիկների հիշատակի առջև, ովքեր անառիկ պահեցին մեր երկրի սահմանները՝ Հայոց անկախ պետականության պատմության մեջ իրենց անձնուրաց սխրանքով ամրագրելով նոր փայլուն հաղթանակներ։ Արցախյան ազատամարտում Երկրապահը ազգի մարտական ոգին պահող, թշնամու դեմ նրան պայքարի առաջնորդող գլխավոր ուժն էր, որը հետագայում դարձավ ազգային բանակի հիմնական միջուկը։ | 
|
Ծանոթագրություններ խմբագրել
- ↑ «Երկրապահի օրը մայիսի 8-ն է». Արխիվացված է օրիգինալից 2016 թ․ ապրիլի 10-ին. Վերցված է 2016 թ․ մայիսի 6-ին.
- ↑ «В Армении отмечают день «Еркрапа»». REGNUM. 2006 թ․ մայիսի 8. Արխիվացված օրիգինալից 2012 թ․ ապրիլի 28-ին. Վերցված է 2010 թ․ օգոստոսի 13-ին. (ռուս.)
- ↑ 3,0 3,1 Հայաստանի հանրապետության տոների եվ հիշատակի օրերի մասին
- ↑ Մայիսի 8-ը երկրապահի օրն է
- ↑ Հայաստանի կառավարության պաշտոնական լրահոս
- ↑ Երկրապահի օր