Դարի մրցարշավը (ֆիլմ, 1986)
«Դարի մրցավազքը» (ռուս.՝ «Гонка века»), խորհրդային գեղարվեստական սպորտային ֆիլմ, հոգեբանական դրամա։ Նկարահանվել է 1986 թվականին «Մոսֆիլմ» կինոստուդիայում ռեժիսոր Նիկիտա Օռլովի սցենարով, որը գրվել է ԽՍՀՄ կենտրոնական հեռուստատեսության քաղաքական մեկնաբան Վլադիմիր Դունաևի հետ համահեղինակությամբ[1][2]։
 ռուս.՝ Гонка века | |
|---|---|
| Երկիր |  ԽՍՀՄ |
| Ժանր | սպորտային ֆիլմ |
| Թվական | 1986 |
| Լեզու | ռուսերեն |
| Սցենարի հեղինակ | Վլադիմիր Դունաև |
| Դերակատարներ | Էլլե Կուլլ |
| Երաժշտություն | Ալեքսեյ Ռիբնիկով |
| Կինոընկերություն | Մոսֆիլմ |
| Տևողություն | 86 րոպե |
Սյուժե խմբագրել
Մեծ Բրիտանիա, 1960-ական թվականներ։ Մեխանիկ Դոնալդ Կրոուխյորստը, որը երկար ժամանակ նստած էր առանց աշխատանքի, իմանում է, որ կազմակերպվում է «Ոսկե գլոբուս» շուրջերկրյա մրցավազքը։ Կրոուխյորստը, որն ստեղծել է նավիգացիոն սարք, փորձում է մասնակցության իրավունք ստանալ։ Ի վերջո, պայմանագիր կնքելով ինչ-որ ընկերության հետ՝ նա ստանում է կատամարան-զբոսանավ, որով էլ ծով է դուրս գալիս որպես մրցավազքի վերջին մասնակիցը։ Բայց սարքավորումը, որի փորձարկման համար նա ներքաշվել է այդ ամբողջ պատմության մեջ, կատամարանի վրա չի տեղադրվել։ Ըստ մրցույթի պայմանների՝ մրցավազքի ընթացքում որևէ նավահանգիստ մտնել արգելվում է։ Փոթորկի ժամանակ Դոնալդ Կրոուխյորստի նավը շարքից դուրս է գալիս։ Նա ստիպված է կանգ առնել արգենտինական նավահանգստի մոտ՝ նա և նրա հովանավորները կազմակերպիչներից թաքցնում են մրցավազքի կանոնների այդ խախտումը, և նա շարունակում է մասնակցել դրան՝ նույնիսկ պահպանելով իր առաջատար դիրքը։ Այս խաբեությունն էլ հետագայում վճռորոշ դեր է կատարում Կրոուխյորստի ճակատագրում։
Ֆիլմը ներկայացնում է գլխավոր հերոսի, նրա ընտանիքի անդամների հոգեբանությունը, ընտանիքի համար բարդ ֆինանսական իրավիճակում նրանց փոխհարաբերությունները։ Այն ներկայացնում է նրանց բոլոր ներքին հակասությունները։ Թերևս միայն Կրոուխյորստի դուստրը՝ Ռեյչելն (Նատալյա Գուսևա) պատվով և ներքին արժանապատվությամբ կրում իրավիճակի բոլոր հոգեբանական դժվարությունները։ Իսկ ինքը՝ ընտանիքի ղեկավարն ի զորու չէ կրել ներքին ընտրություն կատարելու հոգեբանական բեռ․ մի կողմից դա խաբեությունն է, իր և իր հովանավորների կողմից մրցավազքի կանոնների խախտման փաստը թաքցնելը, մյուս կողմից՝ նրա ընտանիքը սնանկացման եզրին գտնվելու փաստը։ Ֆիլմի վերջում Դոնալդ Կրոուխյորստն ընտրում է երրորդ տարբերակը։ Բայց, ինչպես պարզվում է, հովանավորները նույնիսկ նրա մահն են օգտագործում շահույթ ստանալու համար։
Սյուժեն հիմնված է 1968-1969 թվականներին «Ոսկե գլոբուս» մրցավազքի ժամանակ տեղի ունեցած իրական իրադարձությունների վրա։
Դերերում խմբագրել
- Լեոնհարդ Մերզին – Դոնալդ Կրոուխյորստ
- Էլլե Քուլլ – Քլեր, նրա կինը
- Ռոստիսլավ Յանկովսկի – Սթենլի Բեսթ
- Գիրտ Յակովլև – Ռոդնեյ Հոլուորթ
- Ուլդիս Լիելդիջս – Նայջել Թեթլի
- Նատալյա Գուսևա – Ռեյչեյ Կրոուխյորստ
- Անդրեյ Կրյուկով
- Վիտաուտաս Տոմկուս
- Վասիլի Կորզուն
- Վլադիմիր Էրենբերգ
- Թինու Լումե
- Վլադիմիր Սապոժնին
- Ալեքպեր Ալեքպերով
- Նիկոլայ Խրուստալյով
Նկարահանման խումբ խմբագրել
- Բեմադրող ռեժիսոր՝ Նիկիտա Օռլով
- Սցենարիստներ՝ Վլադիմիր Դունաև, Նիկիտա Օռլով
- Բեմադրող օպերատոր՝ Բորիս Կոչերով
- Նկարիչ՝ Ֆելիքս Յասյուկևիչ
- Կոմպոզիտոր՝ Ալեքսեյ Ռիբնիկով
- Հնչյունային օպերատոր՝ Լեոնիդ Բուլգակով
Ծանոթագրություններ խմբագրել
- ↑ «Դարի մրցավազքը» ֆիլմը kino-teatr.ru կայքում
- ↑ «Դարի մրցավազքը» ֆիլմը kinopoisk.ru կայքում