Գրաշխարհ

Գրաշխարհ;
Տեսակ	պարբերական
Լեզու	հայերեն
Հիմնադրվել է	2003
Երկիր	Հայաստան
Գրասենյակ	Երևան, Հայաստան

«Գրաշխարհ», գրական-մշակութային, տեղեկատվական պարբերաթերթ։

Պատմություն խմբագրել

Լույս է տեսնում 2003 թվականից Երևանում։ Հիմնադիր-խմբագիր՝ Տիգրան Ռշտունի։

Անդրադառնում է Հայաստանում լույս տեսնող տպագիր արտադրանքին, պարբերական մամուլին, համացանցային կայքերին, պարբերաբար տպագրում է պետական պատվերով և պետական աջակցությամբ լույս տեսած գրքերի մատենագիտական ցանկերը, անոտացիաներով և գրախոսականներով անդրադառնում ուշագրավ հրատարակություններին, լուսաբանում է ՀՀ հրատարակչությունների գործունեությունը, գրքի միջազգային ցուցահանդեսները, տոնավաճառները, մրցույթները, փառատոները, ծանոթացնում է գրաշուկայում արտոնագրված գրքերի (մասնավորապես՝ առաջին հնգյակի) վարկանիշներին։ Ներկայացնում է Հայաստան ներկրված օտարալեզու, ինչպես նաև Սփյուռքում լույս տեսած հայերեն հրատարակությունները, ՀՀ բուհերի հրատարակած գրքերը, պարբերականների ցանկերը և այլն։

Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։