Գոհարխաթուն
իգական անձնանուն
Գոհարխաթուն, հայկական իգական անուն։ Առաջացել է հայերեն գոհար և խաթուն բառերից։ Գործածվել է 13-17-րդ դարերում[1]։
Գոհարխաթուն Գոհարխաթուն | |
---|---|
Տեսակ | իգական անձնանուն |
Սեռ | իգական |
Ծագում | |
Ծագման լեզու | հայերեն |
Գիր | Հայոց գրեր |
Կապված հոդվածներ | «Գոհարխաթուն» սկսվող էջեր |
Գործածություններ խմբագրել
- Գոհարխաթուն, ազգական Մամուկ սթիի, ով 1266 թվականին կալվածքներ է նվիրել Հոռոմոսի վանքին[2]։
- Գոհարխաթուն, դուստր Պռոշ իշխանի, ով մահացավ մանուկ հասակում մինչև 1268 թվականը[3]։
- Գոհարխաթուն, մայր Ամիրայի (թոռան Ջուրջիի), ով 1291 թվականին կալվածքներ է նվիրել Վայոց ձորի Նորավանից եկեղեցուն[4]։
- Քաւհարխաթուն, մորաքույր Կրակացի Ներսես աբեղայի, ով Երուսաղեմում 1335 թվականին ընդօրինակեց Ճառընտիրը[5]։
- Գոհարխաթուն, կին Քոթիթի և մայր Անդրեաս քահանայի (Այրարատի Կոշա գյուղից), ով Սսում 1336 թվականին Սարգիս գրչին մի Ավետարան գրել տվեց[6]։
- Գոհարխաթուն, դուստր իշխանի և հանգուցյալ քույր Մկրտիչ քահանա Բաբերդցու, ով Կաֆայում 1334 թվականին գրել տվեց մի Ավետարան[7]։
- Գոհարխաթուն, ապասավոր, ով թուղթ էր մշակում Ստեփանոս քահանայի համար, երբ վերջինս 1352 թվականին ընդօրինակում էր Աստվածաշունչը Սուրխաթում[8]։
- Գոհարխաթուն, դուստր պարոն Տերավագի, ազգական Ալինախ Տարոնեցի եպիսկոպոսի, ում 1370 թվականին ընդունեցին և խնամեցին Երզնկայի Թլակ գյուղում պանդխտած ժամանակ[9]։
- Գուհարխաթուն, կին Վրթանեսի և մայր Մելիքսեթ գրչի, ով Աղթամարում 1573 թվականին ընդօրինակեց Ավետարանը[10]։
- Գուհարխաթուն, կին Մելիքսեթի և մայր տեր Մարտիրոսի, ով Բասենի Սպիտակ վանքում 1455 թվականին Մովսես աբեղային գրել տվեց մի Ավետարան[11]։
- Գավհարխաթուն, դուստր Վրթանեսի և քույր Պետրոս սարկավագի, ով Սեբաստիայում 1651 թվականին ընդօրինակեց Ավետարանը[12]։
Ծանոթագրություններ խմբագրել
- ↑ Հրաչյա Աճառյան, Հայոց Անձնանունների Բառարան, հ. Ա, Երևան, «Երևանի պետական համալսարանի հրատարակություն», 1942, էջ 484-485 — 634 էջ։
- ↑ Շիրակ 26բ
- ↑ Յովսէփեան «Խաղբակեանք» 104, 105, 137
- ↑ Սիսական 200
- ↑ Ձեռագիր Վենետիկ Բ․ 348
- ↑ Ձեռագիր Վասպուրական 185
- ↑ Ձեռագիր Սեբաստիա=ՀԱ1926, 237
- ↑ Ձեռագիր Վասպուրական 7
- ↑ Ձեռագիր Վենետիկ, Ա 780
- ↑ Ձեռագիր Վասպուրական 30
- ↑ Նօտարք 180
- ↑ Ձեռագիր Սեբաստիա, ՀԱ1925, 575