Գեորգե Բեզվիկոնի

Գեորգե Գավրիլի Բեզվիկոնի (1910– 1966), ռումինացի պատմաբան, մատենագետ։

Զբաղվել է ռուս–մոլդովական, ռուս– ռումինական, հայ–ռումինական և հայ–ռուսական կապերի պատմությամբ։

Արժեքավոր է Բեզվիկոնիի «Ռուս ճանապարհորդները Մոլդովայում և Վալաքիայում» (1947) մենագրությունը։ Ուսումնասիրել է ռումինական հին տոհմերի ճյուղագրության պատմությունը, կազմել ռումինա–ռուսական, ռումինա–սովետական հարաբերությունների մատենագրությունը։ Բեզվիկոնիի «Հայերը Բեսարաբիայում։ Նախիջևանի և Բեսարաբիայի թեմը։ Մանուկ բեյ» մենագրությունը (1934) Բեսարաբիայի հայ գաղթավայրի պատմության ուսումնասիրության առաջին լուրջ փորձն է։

Արտաքին հղումներ

Георгие Безвикони, Манук-Бей Արխիվացված 2019-07-23 Wayback Machine

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 352)։