Գեղեցիկ տիկնանց համար
«Գեղեցիկ տիկնանց համար» (ռուս.՝ «За прекрасных дам!»), խորհրդային երգիծական կինոկատակերգություն, որը նկարահանվել է 1989 թվականին։ Առաջին խորհրդային կոմերցիոն ֆիլմն է[1]։
 | |
|---|---|
| Երկիր |  ԽՍՀՄ |
| Ժանր | կինոկատակերգություն |
| Թվական | 1989 |
| Լեզու | ռուսերեն |
| Ռեժիսոր | Անատոլի Էյրամջյան |
| Սցենարի հեղինակ | Անատոլի Էյրամջյան |
| Դերակատարներ | Ալեքսանդր Պանկրատով-Չյոռնի և Ալեքսանդր Աբդուլով |
| Պատմվածքի վայր | Մոսկվա |
| Տևողություն | 70 րոպե |
Արտադրողը «Ֆորա» կինոանկարահանման կոոպերատիվն է։
Սյուժե
խմբագրելՀինգ երիտասարդ և գեղեցիկ կանայք հավաքվել էին մի աղջկա նախահարսանեկան երեկույթին՝ ցույց տալու իրենց և տեսնելու իրենց վաղեմի ընկերուհիներին։ Նրանց հետաքրքիր է ամեն ին՝ ով ինչի է հասել, ով ինչ կոշիկներ և ադամանդե զարդեր ունի, ում կարիերան ինչպես է ընթանում, ով ինչպիսի փեսացու ունի։ Կամ պարզապես ուզում են բամբասել։ Սակայն, ինչպես պարզվում է ավելի ուշ, ընկերուհիներից մեկը նախանձում էր նրան, որ տիրուհին ունի զարմանալի գեղեցկության ականջօղեր։ Ականջօղերի տիրուհին չի համաձայնում վաճառել դրանք, և այդ ժամանակ նա որոշում է այդ բնակարան «բերել» երկու կողոպտիչների։ Նրանցից մեկը՝ նրա խորամանկ ծանոթն է, իսկ մյուսը՝ իրական քրեական հանցագործ, որը չի կասկածում, որ այդ ամենը խաղ է։
Դերերում
խմբագրել- Ալեքսանդր Պանկրատով-Չոռնի – Վիկտոր
- Ալեքսանդր Աբդուլով – Գենա
- Ելենա Ցիպլակովա – Վերա
- Իրինա Շմելյովա – Լյուբա
- Իրինա Ռոզանովա – Նադյա
- Մարգարիտա Սերգեեչևա – Տանյա
- Ելենա Արժանիկ – Իրա
- Սերգեյ Ստեպանչենկո – Իգոր, Տանյայի փեսացուն, հեռակայի ուսանող
Արտադրություն
խմբագրելՖիլմը նկարահանվել է Անդրեյ Ռազումովսկու «Ֆորա-ֆիլմ» ստուդիայում։ Որպես այս ֆիլմի նկարահանման գլխավոր նպատակ Ռազումովսկին նշել է կինոստուդիայի մեկ այլ նախագծի՝ «Ալեքսանդր Գալիչ։ Արտաքսում» ֆիլմի ֆինանսավորումը, որը թողարկվել է նույն 1989 թվականին[2]։
Նկարահանող խումբ
խմբագրել- Սցենարի հեղինակ՝ Անատոլի Էյրամջյան
- Ռեժիսոր՝ Անատոլի Էյրամջյան
- Օպերատոր՝ Վլադիմիր Պապյան
- Նկարիչ՝ Պավել Կապլևիչ
Ծանոթագրություններ
խմբագրել- ↑ «История Российского юмора. Часть 2» (видео). YouTube. Криминал ТВ. 2014 թ․ ապրիլի 13.
- ↑ «Дёшево и сердито. «Мордашка» и другие…». Россия-1. ВГТРК — Документалистика. 2012. Արխիվացված է օրիգինալից (видео) 2018 թ․ ապրիլի 29-ին. Վերցված է 2018 թ․ ապրիլի 30-ին.